SEBASTIAN JILI
NGABE WUSUKU LWAKHO LOKUZALWA NAMUHLA?
KUBABANTU obonayo ukuthi kumele ngempela ubagudluze empilweni yakho. Zibophezele ekuqedeleni okudala bese uqala okusha. Uma ungase uhluleke wena ukuzihlelela isikhathi akekho omunye ongakuhlelela.
ARIES
KUKHONA abajwayele ukuvuna indlela ocabanga ngayo. Kumele ukugweme ukukhuluma izinto ongenaso isiqiniseko sazo. Isikhathi sakho esiningi kumele usichithe ngezinto ezizokuthuthukisa zikubeke kwelinye izinga.
TAURUS (April 20-May 20)
UNGUMUNTU okholelwa emicabangweni yakhe ngakho kumele uwuhloniphe umqondo onawo ezinhlelweni ezimayelana noguquko. Ekugcineni ungase ubone ukuthi awukhathazwa ubudlelwano bakho kodwa yimicabango.
GEMINI (May 21-June 21)
UZOPHOQELEKA ukuthi kube khona ozobafonela ubazise ngezindaba ezithile ezibathintayo. Isihe nesibindi ongasikhombisa singakwenza usondezwe kalula eduze. Abanye bakuthatha njengomuntu onenkani.
CANCER
UBUYE ube nenkani noma isidingo singasekho bese abanye bayehluleka ukusebenza nawe. Kuzokusebenzela ukuxhumana nabantu abanomqondo obuka phambili. Kunesifiso obonayo ukuthi sekusele kancane sifezeke.
LEO (March 21-April 19) (July 23-August 22)
IZIMBANGI zakho kazinawo amandla okumelana nawe. Ubuvila buthathe njengesitha sakho esikhulu okumele ulwe ngamandla naso. Kumele uhlale uzihlupha ngokuzibuza ukuthi isimo sekusasa lakho sivikeleke kangakanani.
VIRGO (June 21-July 22) (Aug 23-Sept 22)
ISIKHATHI onaso kuhle usisebenzise ekuxazululeni izinkinga zakho. Uma kade ungaphathekile kahle uzobona umehluko othile empilweni yakho. Imicabango ekuzwisa ubuhlungu kumele ulibale ngempela yiyona.
LIBRA (Sept 23-Oct 22)
KUMELE ubhekisise ukuthi unyathela kanjani phambi kwabanye ngoba kukhona abakubhekile. Qaphela ukuthi awuxovi izinhlelo zakho uze ugxumele kokunye kukhona okungaphothuliwe. Uzolwa ngamandla nangobuchule uzama ukuphucula isimo sibe yilokhu okufunayo.
SCORPIO (Oct 23-Nov 21)
OKUZOKUFIKELA engqondweni yakho ukuqala izinhlelo ezimayelana nokonga. Uzophumelela ekuzikhumbuzeni wena ukuthi ukuhlala phansi akunamvuzo. Kwesinye isikhathi ubuye wenze izinto ngokungacopheleli.
SAGITTARIUS (Nov 22-Dec 21)
ISIMO okusona njengamanje sizoguquka, ngakho zilungiselele njalo ukumelana nekusasa lakho. Ngalesi sikhathi uzwela kakhulu uma kukhona okubi okukuthinta enhliziyweni. Gxilisa amehlo akho lapho osunqobe khona.
CAPRICORN (Dec 22-Jan 19)
UYABONA ukuthi okunye okubuye kwenzeke empilweni yakho kubuye kudalwe amaphutha akho. Kunezinhloso zakho owazibeka ethala ongase uzikhumbule kulesi sikhathi. Kukhona nokunye obonayo ukuthi ngabe kade kwalunga.
AQUARIUS (Jan 20-Feb 18)
KUKHONA okuthile ozobeka ithemba lakho kukhona. Ozokwenza kumele kusuke ngaphakathi kuwe. Unabo ubuchule bokuxazulula ezinye izinkinga - lokhu kuhambisana nokuvuthwa komqondo wakho.
PISCES (Feb 19-March 20)
UBUYE ube ngumuntu ofunda ngamaphutha ezintweni eziningi. Kuningi ozofisa ukukuthungatha noma ukucubungule. Ubungani bakho bungathuthuka uma ukhombisa ukukhululeka. Kumele uyisabalalise imibono emisha kanye nemidala.