IPHINDE YAPHOXA I-CHIEFS NE-PIRATES
Kuhambe ngezifiso zonozinti
KUHAMBE ngokwezifiso zonozinti ikaizer Chiefs ibambana ne-orlando Pirates kuba ngu-0-0 kowe-absa Premiership izolo ngomgqibelo ntambama EFNB Stadium, esoweto.
Lezi zinkunzi ziphoxe izindimbane zabalandeli ebezuwubheke ngabomvu umphumela walo mdlalo njengoba zibe ncane iziwombe ebezisukumisa abantu ezihlalweni.
Phakathi nesonto u-itumeleng Khune ongunozinti wechiefs noWayne Sandilands ovimbela ibucs, bakubeke kwacaca ukuthi bafuna ukungangenelwa ngamagoli kulo mdlalo. Labo nozinti bavumelane ngokuthi bayakuqonda ukuthi abalandeli bahlale bekhala ngendlala yamagoli kulo mdlalo kodwa nabo bafuna ukuzifaka ezinhliziyweni zabo ngokungangenelwa lutho. Isifiso sabo sifezekeli njengoba kuyibona abasebe- nze kanzima ukuqinisekisa ukuthi amakilabhu abo kawahlulwa. Ukhune bese kuyihlandla lesine engangenelwa yigoli selokhu kuqale isizini kanti usandilands bekungelesihlanu.
Izimpofana ziye kulo mdlalo zithwelwe ngeqoma kwazise ngoLwesibili zidlale ingcwenga yebhola zihlulela ekhaya imamelodi Sundowns kowepremiership ngo2-1, kanti ibucs ishaye into ephansi ibambana neplatinum Stars ngo-1-1 phakathi nesonto isekhaya. Ukunqoba kwezimpofana idowns kwenze kwalindeleka ukuthi zifike kowomkhaya zithelwe ngezibonkolo.
Nokho-ke ibucs itheleke kulo mdlalo nezinguquko ebezingalindelekile njengoba isishintshile isikimi eqale ngaso kowestars. Phakathi kwezinguquko ezigqamile ukuqala umdlalo kukajustice Chabalala obeqala ukudlala kule sizini, u-isaa Sarr, uthabo Rakhale nothabiso Kutumela. Ibucs ibabeke ngaphandle uthembinkosi Lorch nothamsanqa Gabuza asebejwayele ukuqala imidlalo. Izimpofana kazizanga nazinguquko ezitheni kulo mdlalo.
Ibucs yiyona ebineminyakazo ebibukeka ingcono kakhulu ngesiwombe sokuqala kodwa ebigcina ingatheli zithelo.
Izimpofana zivuke emaqandeni ngesiwombe sesibili nakhona lala ukuqhamuka igoli. Kugcine kungunondweba owenza umsebenzi omkhulu enkundleni njengoba ekhiphe inqwaba yamakhadi aphuzi.
Nokho-ke izimpofana zicishe zayivula inkundla ngesikhathi ibhola likasiyabonga Ngezana lishaya epalini ngemuva kwe-free Kick ebishaywe ngusiphiwe “Shabba” Tshabalala ongabanga nomdlalo osezingeni ebelilindelekile. Ngesiwombe sesibili ibucs icishe yawantshontsha amaphuzu amathathu ngesikhathi ibhola ebelishaywe nguqalinge lingqubuza ipali.
Usteve Komphela ongumqeqshi wechiefs uzamile ukumuka namaphuzu amathathu ngesikhathi echibiyela ngogustavo Paez endaweni kahendrick Eskein nowiseman Meyiwa kwekasiyabonga Ngezana noryan Moon ongenele ubernard Parker. Umilutin Sredojevic ocija ibucs uchibiyele ngobernard Morrison endaweni kakutumela waphinde wafaka ugabuza endaweni karakhale waphinde wafaka ulorch endaweni kaqalinge oqokwe njengomdlali ovelele yize iminyakazo yakhe ibingatheni.
Ukhune bese kuyihlandla lesine engangenelwa yigoli selokhu kuqale isizini...