Basola ubabes ngokweba itiri Tiri
Ubabes utinyele intatheli
USANI ukubhoreka, ngiyazi vele nani niyadayisa kodwa kuningi okuhle eningakubhala njengokuphuma kwewest Ink Banger. Okusalayo wukuthi umuntu othi ingoma ngeyakhe siyohlangana esamro (South African Music Rights Organization) ngoba zibhaliswa lapho.”
Lawa ngamazwi kabongekile Simelane, odume ngelikaBabes Wodumo (osesithombeni) ahlohloloze ngawo intatheli uma imbuza ngengoma okuthiwa uyiginsile muva nje maqede wagaklaza ucingo isathi iyamkhuza ngamagama ayiziswana abewakhipha.
Ubabes usolwa ngudj Dance (Scelo Ndlela) noLwazzy (Lwazi Buthelezi) abanengoma ethi “Tiri Tiri” enoboyzee (Boyzie Mahlokoana) edlala kakhulu emsakazweni ikakhulukazi eyomphakathi nasematekisini ethekwini.
Laba bazifikele mathupha KWILANGA Langesonto bekhihla isililo ngokucekelwa phansi komsebenzi wabo yilo mculi njengoba sebeze baqopha ne- video obekwenzeka ngesonto kukhona nabaculi abasondelene nesitebele sakhe ubabes, iwest Ink.
Bakhombise leli phephandaba izithombe kuqoshwa i- video othe obeyiqondisa (Director) izobe isilungele ukuthunyelwa eziteshini ezidlala umculo ngolwesihlanu. Baphinde bakhombisa leli phephandaba isithombe sokuqinisekisa abanikazi bengoma kwasamro nokuyibo laba bobathathu nokucacisa ukuhlukana kobunikazi ngamaphesenti.
“Osekusihlukumeze umoya wukuthi kungani esevumbuka nale ngoma. Siyazi vele uzothi lezi zinto kwakuculwa ngazo kudala kodwa kungani sekuvele kufana nse, angazizwa ngendlela efanayo yini yena uma kukhona ocule iwololo ngendlela efana nse neyakhe.
“Okubuhlungu wukuthi le ngoma yethu kade yaqala ukudlalwa kodwa ngoba nguyena owaziwayo kuzothiwa yithi esebile. Kade yaqala nokutholakala ezindaweni ezidayisa nezikhangisa umculo kwi- internet njengeyou-tube, Sound Cloud nezinye. Sesifake eningi imali kule ngoma njengoba sesishuthe ne- video.
“Uhambe kabi kulokhu ngoba thina bese sikwenze konke, ngeke sithule bedlala ngathi,” kukhala UDJ Dance.
Kuzokhumbuleka ukuthi kakukhona okokuqala ubabes esolwa ngokweba ingoma njengoba kwenzekile nakule edlalwa kakhulu njengamanje ethi “Gandaganda”.
Akayinikanga thuba ubabes intatheli njengoba eqale ngokuziphika ocingweni wathi ngudadewabo okhulumayo, mayishiye umyalezo. Kuthe uma ezwa intatheli ithi ifuna ukukhuluma ngengoma yakhe entsha wezwakala eshaya uhleko oluncane, evuma ukuthi unayo ingoma entsha ngaphambi kokuba ayehle ngaphezulu intatheli.
Uthe isihloko seyakhe sithi “Dlala Phezu Kombhede” waze wancokola ngokuthi uyoyeka ukucula ngombhede mhla intatheli yamthengela omusha. Uthe izotholakala eqoqweni lezingoma ezizokhishwa yisitebele sakhe elibizwa ngewest Ink Banger.
Eselalelisiwe eculwa yilaba abakhalayo uthe: “Eyami ithi 'Tswiri Tswiri phansi emjondolo. Nami kusasa ngingavuka ngicule ingoma kabeyonce nokuzobe kungachazi ukuthi ngiyebile,” usho kanje kafushane ngaphambi kokususana nentatheli, wayigaklaza ngocingo.
zowakha@ilanganews.co.za