U-ANDILE KAMAJOLA UTHEMBA UKUTHI INGOMA YAKHE IZOHLUKANISA UNYAKA
ISIHLABANI somculo wowokholo u-andile Kamajola ( osesithombeni) sithi sifuna ingoma yaso edlalwa kakhulu emisakazweni eyahlukene kulezi zinsuku ibalwe nezinye eziseqhulwini zokuhlukanisa unyaka okhozini FM.
Le ngoma esihloko sithi “We Shall Overcome” itholakala kwialbum yalo mculi asanda kuyikhipha ichapter 8. Ukamajola uthi okwenzeke kulo msakazo ngonyaka owedlule kumgqugquzele ukuba akhiphe ingoma yalolu hlobo.
“Ukuhlukanisa unyaka ngengoma kamaskandi ngonyaka owedlule kukhombisile ukuthi abantu kabakhethi ngohlobo oluthile lwengoma kodwa bafuna into ezobajabulisa noma ngabe iwuhlobo olunjani lwengoma,” kusho ukamajola.
Kuzokhumbuleka ukuthi ngonyaka owedlule ingoma ehlukanise unyaka kube ngekamroza esihloko sithi “Elamanqamu” kanti yiyo futhi le ngoma ephinde yaqopha umlando wokudla umhlanganiso emncintiswaneni wakwaSABC obizwa NGE-SABC Summer Song.
Ukamajola exoxa NELANGA Langesonto uveze ukuthi uyayithemba le ngoma ukuthi izokwazi ukujuxuzisa abantu ngesikhathi esifanayo ibe ibabusisa njengoba inezinhlamvu ezikhuthazayo.
“Abantu sebeqalile ukukhombi- sa ukuyithakasela ngendlela eyisimanga okwenza nami ngigqugquzeleke ukuthi kungaba ingoma ebhekiwe kweziyishumi ezihamba phambili kulo nyaka,” kusho ukamajola obuye abe ngumfundisi ebandleni alisungula i-all Nations Cathedral International Church.
Uzwakalise ukuthi maduze uzoqopha i- video yale ngoma ezobonakala eziteshini zikamabonakude ezahlukene zomculo.
Uthi okumjabulisayo ngale video wukuthi izoba nezilomo zodj basethekwini abangaconsi phansi utira nosox abazibiza ngeDurban's Finest.
“Kuyajabulisa ukusebenzisana okuhle enginakho nalabo DJ,” ephetha. lucky. cain@ilanganews. co.za