WOZA NAZO MZALA
UBABES WODUMO
UYAZI sekuphele isikhathi ngizibuza ngiziphendula ukuthi kambe lo mdanso kababes Wodumo kagandaganda ngiwazela kuphi.
Ekugcineni unkulunkulu useze wangiphendula ukuthi umdanso wetrompies lo. Phela ngithe ngizihlalele kwami ngibuka izingoma kumabonakude ngabona ingoma yetrompies ethi “Sweety Lavo”, ngabona beshaya umdanso kagandaganda ngathi “Aibo obani laba abakopela ubabes” kodwa ngakhumbula ukuthi badala, uwena okopelayo. Kodwake isizulu sithi “Indlela ibuzwa kwabaphambili.
UMSHUNQISI
BAFOWETHU kuyahlekwa noma kushoniwe. Bengihambele umcimbi wememeza phakathi nezinsuku etwenty5, ngibone lo muntu okuthiwa ngudladla Mshunqisi. Bengiqala ukumbona bukhoma, iphutha lami kube ukuthi ngimbone embethe itshali. Ayi angingabazanga ukuthi umama ozobona emndenini okushoniwe kuwona, ngithe ngibuza ozakwethu ukuthi kwenzakani lana? Bathi umshunqisi nje lona lo wememeza. Lapho bese ngethukile ukuthi ngisemcimbini orongi. Ungaphinde umbathe itshali Mgabadeli alikufaneli kodwa likulethela usizi nje.
UNTANDO DUMA
AMANTOMBAZANE asedinga ukukhuzwa manje ngeke phela wonke umuntu ukuthi useyacula. Uzodwa Wabantu uyacula kodwa asazi ucula ini, uduma Ntando naye uyacula kodwa asazi ukuthi ucula ini, ungcono utipcee ngoba siyamazi kudala e-745 kade waqala ukuzama.
Wasiyala ubabes Wodumo waphumelela manje wonke umuntu usezitshela ukuthi abantu bahlanyiswa ngamathanga bakhohlwe wumculo. Kahle hle anibahloniphi abathandi bomculo.
Ake Uma ningikhumbuze, washonaphi ubabes Wangempela naye owayethi uyazama? Yekelani abantu abanethalente benze into yabo. Uma unekhono lokuveza amathanga, hamba uye lapho kuvezwa khona amathanga uphume emculweni.
UNJIBLO MHLONGO
SEKUYAZWELA phela manje ngalo mfana owayedansela usifiso Ncwane, unjiblo Mhlongo. Sekuphele unyaka wonke ezama ephusha ingoma yakhe ethi “Uma ubiziwe” kodwa lutho abantu ukulalela.
Angazi noma wayezitshela ukuthi kuzoshesha njengakuncwane umlungu wakhe. Cha mfana kumele usebenze kancane noma uzame enye ingoma manje mhlampe yona bazoyizwa ngoba lolu bizo okhuluma ngalo abantu kabaluzwa kahle.
Okungiphatha kabi wukuthi ngiyakwazi ukhuthele nabantu uyabahambela. Ngiyakucela-ke manje ngoba sekubuhlungu kithina esikuthandayo shintsha ingoma manje.