Izembe kumgadli wechiefs
Umqeqeshi uthi ukhakhayi alukaqini kahle
LILOLIWE izembe kumgadli wekaizer Chiefs osemncane okuvela ukuthi umqeqeshi wale kilabhu ukhala ngokuthi ukhakhayi lwakhe alukaqini kahle ukuthi angasiza le kilabhu.
Ichiefs isayinise uryan Moon wasemgungundlovu obegijima kwimaritzburg United kumasizini amabili edlule.
Selokhu efike kwichiefs akakayenzeli lutho njengoba edlaliswa esikimini esincane esigijima kwimultichoice Diski Challenge.
Ubuye ahlushwe kakhulu nawukulimala.
Leli phephandaba lihoshe ngemithombo yalo ukuthi umqeqeshi wechiefs usteve “Mphathi” Komphela usefake lo mdlali ohlwini lwabazogudluzwa uma sekuvulwe iwindi lokudayiselana ngabadlali ngomasingana (January).
Kuthiwa uma kungukuthi ayikho ikilabhu ezomthenga uhlela ukumbolekisa.
Leli phephandaba lishayela ubobby Motaung oyimenenja jikelele yechiefs ngalolu daba uthe: “Indaba yabadlali esizobachitha kumbe esizobasayinisa sizoyibona kahle uma sekuvulwe iwindi lokudayiselana ngabadlali.
"Ngumqeqeshi ozosicacisela embikweni wakhe ngalezo zinto uma sesiqedile ngomzuliswano wokuqala.
"Okwamanje simatasa silwela ukunqoba imidlalo ngoba sifuna isicoco seligi,” kusho umotaung.
Umuzikayise Mashaba okhonjwe indlela yimamelodi Sundowns ezinyangeni ezimbalwa ezedlule kuthiwa sekubambe izinto ezincane asayine kwichiefs.
Kuthiwa ukomphela umthanda ukufa njengoba kunguyena omvumbulule esengumqeqeshi wefree State Stars wamsayinisa kule kilabhu kamike Mokoena ngaphambi kokuba athengwe yiDowns.
Kuthiwa ufuna ukuvala ngaye isikhala esivuleke kuhamba ugeorge Lebese osayine kwisundowns.
Noleonardo Castro osemabhukwini esundowns kuthiwa kungenzeka asayine kwichiefs uma sekuvulwe iwindi lokudayiselana ngabadlali ngomasingana.
Selokhu efikile kwichiefs akakayenzeli lutho njengoba edlaliswa...