UMQEQESHI UKHONJWE INDLELA KWELEMOTSEPE
UKHONJWE indlela uthami “TV” Ngubane obecija imilford FC egijima kwisouth African Football Association (Safa) Kwazulu-natal ABC Motsepe League.
ILANGA Langesonto lithole ukuthi le kilabhu ephethwe ngudkt Xanti Pupuma inqume ukukhomba indlela ungubane esigqikini sokulolonga ngoba ehluleka wukuletha imiphumela egculisayo. Kuthiwa ungubane umiswe ngokusemthethweni ngolwesithathu ngumnikazi wale kilabhu.
Umthombo WELANGA LangeSonto uthe empeleni ubekwenza konke ungubane, ubenebhadi futhi ubesahlanganisa iqembu lakhe kwazise uyakwazi ukubona ikhono kubadlali. "Ngikholwa wukuthi upupuma usheshe wajaha ukuxosha lo mqeqeshi.
"Engikwaziyo wukuthi ungubane ngeke awuswele umsebenzi kwazise emasontweni amabili edlule kuke kwavela imibiko ethi ufunwa uthuli yimbombela United yasempumalanga egijima kwiNFD,”
“Kunzima ukuqeqesha kwimotsepe League abanikazi bamakilabhu bayidinga ngokukhulu ukushesha imiphumela uma bebona ukuthi iyasokolisa abanqeni ukukhomba umuntu indlela,” kusho lo mthombo.
Imizamo yokuthola upupuma ongumnikazi wemilford FC kayiphumelelanga kwazise ucingo lwakhe belungena kodwa lungabanjwa kwaze kwashaya isikhathi sokushicilela.
Uvezukukhanya “Vezi” Mkhwanazi oyimenenja yemilford FC ebuzwa ngokuhamba kukangubane uthe akwaziyo wukuthi umqeqeshi umiswe yikilabhu ngaphambi kokuba ebe nomhlangano nomnikazi wayo.
“Ngingakuqinisekisa ukuthi akekho izintambo zisabanjiswe unhlanhla Hlongwa nothulani “Tiger” Hlatshwayo oyisikhulu esiphezulu sale kilabhu,” kusho umkhwanazi.
Ungubane ukuqinisekisile kuleli phephandaba ukuthi akasekho kwimilford bavumelene ngokuhlukana ngenxa yokuthi kunezinto afuna ukubhekana nazo.