UMGIJIMI UTHIPHA UMASULUKE KOWEGOLI LOMHLABA
UMGIJIMI ohlonishwa umhlaba wonke osanda kuthatha umhlalaphansi kwezokugijima uthipha u-oscarine Masuluke ovimbela ibaroka FC ukukhala emuve nomqhudelwano wegoli lo mhlaba obizwa ngefifa Puskas Award.
Umasuluke uqokwe kulo mkhakha ngegoli elihle alishaye ezakhe zibhekene ne-orlando Pirates emdlalweni we-absa Premiership.
Bekuyigoli lokukhavisa. Ubanga lo mklomelo no-olivier Giroud umgadli we-arsenal nodeyna Castellanos wasevenezuela.
Umcimbi omkhulu ukuzomenyezelwa kuwo yonke imiklomelo yefifa ukusasa ngomsombuluko elondon
U-usain Bolt wasejamaica ohlo- nishwayo kwezokugijima umhlaba wonke uthi igoli likamasuluka yilona okufanele linqobe umklomelo wepuskas.
“Ngivotele u-oscarine Masuluke. Kuyinto engajwayelekile ukuthi unozinti ashaye igoli ingasaphathakwe eyokulishaya ngaleya ndlela bengiqala ukuyibona.
Lingihlabe umxhwele igoli lakhe ngokwami nje yilo okufanele lihambe nalo mklomelo,” kusho ubolt.
Uthi kowomdlali womhlaba uthipha ucristiano Ronaldo wereal Madrid yasespain.
Ubanga noneymar Jnr WEPSG nolionel Messi webarcelona.
“Kowomdlali ovelele emhlabeni uronaldo ngikholwa wukuthi uzihambela yedwa.
Unqobe ila Liga, yichampions League waba ngumshayi magoli ovelele lowo muntu kuyacaca ukuthi akabangi namuntu uhamba yedwa,” kusho ubolt.
Kuyinto engajwayelekile ukuthi unozinti ashaye igoli ingasaphathwa-ke...