UYABALISA UMQEQESHI WE-REAL KINGS

UBALISA ngokulinyalelwa ngabadlali abamqoka umqeqeshi wereal Kings okuzokuthi namuhla ngesonto ngo-15h30 idudulane nejomo Cosmos kokanational First Division (NFD) evosloorus Stadium, esoweto.

Usimo “Govuza” Dladla ololonga ikings uthi ezakhe zizoya kulo mdlalo ziqhugela njengoba elinyalelwe ngus’phiwe “Magolide” Mbatha, umondli Miya nolerato Mofokeng abangumgogodla wekilabhu.

Uthi nakuba ezakhe ziqhugela kodwa zizozama ukubuya namaphuzu agcwele.

“Abadlali bethu abamqoka bazobe bengekho kulo mdlalo ngenxa yokuthinteka.

"Kunzima kakhulu ekhempini yethu ngoba laba badlali bangumgogodla wekilabhu.

"Kodwa-ke ngibethembile labo abazovala izikhala zabo ukuthi bazowenza umsebenzi.

"Engikumincele nje wukuthi unondweba adlalise kahle ngoba emidlalweni eyedlule izinqumo abebezenza bezisicindezela,” kusho udladla.

Icosmos izoya kulo mdlalo nje isanda kulahlwa yicala yikomidi lepremier Soccer League eliqondisa izigwegwe ngenxa yokuhluleka wukugcina izimfanelo ibhekene nerichards Bay FC koweligi emasontweni ambalwa edlule.

Uhlawuliswe ur500 000 kwalengiswa u-r400 000 ukuba ingatholakali inecala elifanayo kuze kuphele izinyanga ezili-12.

Khonamanjalo, i-university of Pretoria izokwamukela iblack Leopards koweligi namuhla ngesonto ngo-15h30 e-absa Stadium, epretoria.

Imiphumela yemidlalo YENFD ebiyizolo ngomgqibelo ihambe kanje:

Mthatha Bucks 2, Cape Town All Stars 1; Tshakhuma Tsha Madzivhandila 1, Stellenbosch 0; Witbank Spurs 1, Ubuntu Cape Town 0; Richards Bay 1, Uthongathi FC 1; Highlands Park 3, Super Eagles 0; Mbombela United 2, Royal Eagles 1.