AKAGCINI NJE NGOMCULO KUPHELA
UMZWILILI ohlonishwa umhlaba wonke uyvonne Chaka Chaka, oseqede iminyaka engama-32 esendimeni yezomculo uthi ukugujwa komkhankaso wokulwisana nokuhlukunyezwa kwezingane nabesifazane (16 Days of Activism) akusiyo into okumele inakwe inyanga eyodwa kuphela.
“Lo kumele kube wumkhankaso wangaso sonke isikhathi ngoba abesifazane bahlukumezeka zikhathi zonke. Uma kugxilwa kulo mkhankaso kakumele kubhekwe abesifazane kuphela kodwa nabesilisa uqobo okuyibo abenzi bobubi.
“Ngokwami ngicabanga ukuthi kusuke kukhona into eyonakele ekhanda lomuntu wesilisa ohlukumezayo,” esho ngesikhathi evakashele emahhovisi ephephandaba ILANGA.
Uyvonne owaziwa ngokuthi yiprincess of Africa ungene kwezomculo eneminyaka eyi18. Uthi ngaleziya zikhathi unina wabe engafuni ukuba angene kule ndima, efuna abe ngummeli. Kodwa ngenxa yothando lomculo uqhubekile njengoba eseqede iminyaka eminingi kangaka.
Uthi kawukho umlingo enze ngawo ukuze aphumelele emculweni kodwa wukuzihlonipha yena nethalente lakhe okumenze wahlala isikhathi.
“Kuyisibusiso kimina futhi kuyintando kaNkulunkulu. Umsebenzi engiwenzayo uwubufakazi bokuthi uma uyithanda into oyenzayo ugcina usuthola okungaphezulu. Ngingasho ngokungananazi ukuthi impilo yami imnandi, ngibusisekile,” kuqhuba yena.
Uyvonne uzakhele udumo kakhulu ngezingoma azishaya ngama 80’s, okubalwa kuzo nethi ‘ Umqombothi, Thank you Mr DJ, Let Me Be Free nezinye.
Utshele ILANGA Langesonto ukuthi naku- ba esehlale iminyaka eminingi kangaka emculweni kodwa akazimisele ngokuwuyena umculo. Usanda kukhipha i- esihloko sithi ‘Keep Looking At Me’.
Esikhathini asesichithe emculweni
uthi ukuqaphelile uku-
baluleka kokushintsha uhambisane nesikhathi, yingakho naye engabambelele entweni eyodwa.
“Angiziboni ngihlukana nomculo. Ngiyakuthokozela ukuba sesi-teji nasestudiyo. Njengamanje angisaqopheli ukudayisa umculo kodwa sengenzela ukuzigcina ngiyingxenye yomkhakha wezomculo. Umculo ngowuyeka mhla inhliziyo yayeka ukushaya, ngeke ngikwazi ukuyeka into eseyibe yingxenye yempilo yami isikhathi esingaka,” kulanda yena.
Uyvonne Chaka Chaka uthi uyalijabulela ibanga eselihanjwe ngabaculi bakuleli abafana nocassper Nyovest njengoba begcwalisa izinkundla zemidlalo.
“Ukugcwalisa kwabo izinkundla akusiyo into entsha. Mina uqobo nabantu abafana nolucky Dube besigcwalisa inkundla igcwale phama, ngisho sihambele emazweni angaphandle kwakuleli. Yize kunjalo muhle umsebenzi engibona wenziwa ngabaculi bakuleli futhi uyancomeka,” echaza.
Uthi umculo uwuhlonipha kakhulu ngoba ngaphandle kwawo ngabe akekho kuleli zinga akulo. Kulo nyaka uhlonishwe ngomklomelo WE-BET International Global Good Power Award ngenxa yokuba nesandla ekuphuculeni isimo sezempilo ebantwini base-afrika.
Ephawula mayelana nomkhuba obukeka udla lubi wokungagqoki kwabesifazane ikakhulu endimeni yokuzithokozisa uthe:
“Uma ucula wocula ngoba unethalente, kasikho isidingo sokuba uhambe nqunu. Kodwake angisiye umuntu othanda ukugxeka kakhulu, ngingathi kuya ngawe ukuthi wena ufunani, uthanda ukubukeka kanjani,” kuqhuba yena.
Uthi abaculi abasebancane kubalulekile ukuba bazazi ukuthi bami kuphi.
“Zimisele ngokufunda nokuba ugxekwe futhi. Sebenza kanzima,” kusho yena.
Kule album yakhe yakamuva usebenze nabaculi abasebasha ngokweminyaka okunguberita, untsiki Mazwai nodollar wasenamibia nezingane eziphila nokukhubazeka zasesunshine Centre ewalvis Bay.
“Ngikholwa wukuthi abantu abasebasha badinga ukunikwa ithuba, kungalokhu kuthiwa bayikusasa, badinga ukufukulwa kodwa benganikwa ithuba. Ngifunda lukhulu kubona, yingakho ngikholelwa ekusebenzisaneni nabo,” echaza. Akagcini ngokuba ngumculi nje kuphela kodwa uyinxusa le-united Nations Children’s Fund (UNICEF) neroll Back Malaria kanti futhi unenhlangano yakhe ezimele ebizwa nge-the Princess of Africa
Foundation.