IBUYA NGEGIYA ELIPHEZULU INDAYI HOME COMING FESTIVAL
UYABUYA nakulo nyaka umcimbi wobumnandi waminyaka yonke owenzelwa endwe-dwe, ngaphandle kwasethekwini, obizwa ngokuthi yindayi Home Coming Festival.
Lo mcimbi uzoba mhla zingama-23 kule nyanga, Kwanombika Sport Ground, khona endwedwe.
Umnu Hlangu Msomi, ongumnikazi wendayi Communication okuyiyona ehlela lo mcimbi uthi kulo nyaka umcimbi uzobe umkhulu kakhulu uma kuqhathaniswa nowangonyaka owedlule, kwazise ngonyaka owedlule ubuqala.
“Kuzobe kuwumcimbi omkhulu ngendlela engakaze ibonakale KwazuluNatal,” kusho umnu Msomi.
Kubikwa ukuthi lo mcimbi ungomunye wemicimbi ebalwa nemicimbi ezobe idlisa kulawa
maholide, ekeliswe ohlwini olusekhasini ( website) lakwaTourism KZN.
Umnu Msomi utshele
ILANGA Langesonto ukuthi izinhlelo zonke zimi ngomumo manje, kanti nokuthengwa kwamathikithi kuhamba kahle.
Phakathi kwabaculi nodj abazonandisa ngudj Tira, ukhuzani Mpungose, UDJ Bongz, Qhosha, nabanye abaningi.
Ezokuphepha kubikwa kuthi zizobe ziqinile kakhulu. Abantu bavumelekile ukuba baziphathele izihlalo zabo, nama- gazebo. Iziphuzo nokudla kubikwa ukuthi kuzobe kudayisa ngaphakathi.
Amathikithi alo mcimbi aseya- tholakala ecomputicket, Shoprite nase-usave. Lawo ajwayelekile abiza u-r150, kuthi awezicukuthwane abengu-r500, kanti wona (awezicukuthwane) akalekile. Abafuna ukuthola eminye imininingwane ngale ndumezulu bangalandela ikhasi Indayi Home Coming Festival kufacebook nakuInstagram.