UCELA UKWELULELWA ISANDLA UZIME OSEMNCANE
UFISA ukuqhubeka nephupho lokuba ngunobuhle uletoya Madlala (9) wakwandengezi obe senhlanhleni yokuba yingxenye yabakhethwe ukuba bavakashele phesheya kwezilwandle.
Le ntokazi esencane inephupho lokuya kwi-international Art Talent Showcase, okuwumncintiswano waphesheya kwezilwandle ongambeka ethubeni lokuba angagcini nje kuphela ngokumodela kodwa agcine eselingisa futhi athole nomfundaze.
Unina kaletoya uthi kudingeka u-r110 000 ukuze iphupho lendodakazi yakhe libe yimpumelelo.
“Ngifisa angagxili ekumodeleni kuphela kodwa futhi afunde. Ungumntwana onethalente futhi othandekayo. Ngifisa ezinye izingane zibukele kuyena, abe yisibonelo emphakathini futhi aphinde awuxhase,” kuchaza ulondeka Madlala (unina).
Uthi kabadingi usizo lwemali kuphela kodwa ngisho noma yini abangakwazi ukuthi bayidayise ukuze baqongelele imali yokuhamba bobabili nengane.
“Kungaba yinoma yini nje ezokwazi ukuthi ingenise imali kodwa uma bekhona abangakwazi ukuphosa itshe esivivaneni nalokho singakwamukela ngezandla ezifudumele.
“Ngifuna ukwehluleka ngizamile ngoba indodakazi yami ngiyayibona ukuthi inethalente.
“Yaqala ineminyaka eyisithupha ukungenela imincintiswano, kusuka lapho kasikaze sibheke emuva. Ngikholwa wukuthi uma unkulunkulu ekuphe isipho kumele usisebenzise,” kuchaza yena.
Phakathi kwezicoco enazo ubala esikamiss Molweni nesika Miss Edendale. Uthi le mali okumele bayiqoqe ngeyokugibelisa yena nendodakazi yakhe ukuthi baye phesheya kwezilwandle ngoba abanini bomncintiswano kabazikhokheli izindleko zebhanoyi.
“Ikhona imali esesiyizamile ngokudayisa izimpahla, ukwenza imicimbi nokunye kodwa kayikapheleli, yingakho sicela umphakathi usisize sifeze leli phupho,” kuqhuba ulondeka.
Ongakwazi ukwelula isandla angasebenzisa le miningwane yasebhange:
Letoya Madlala, Standard Bank, Account number: 100 954 198 35 noma abathinte kule nombolo yocingo ethi 073 087 3215.