UBATHABILE DLAMINI UKHWELE WADILIKA KUMNU RAMAPHOSA
UMENGAMELI we-african National Congress Women's League (ANCWL), unkk Bathabile Dlamini, ukhwele wadilika kusekela Mengameli umnu Cyril Ramaphosa, ngesikhathi ekhuluma emcimbini obusesugar Ray Xulu Stadium, eclermont, entshonalanga yetheku izolo.
Kulo mcimbi bekuvalwa unyaka kamnu Reginald Oliver Tambo, owayeyisishoshovu somzabalazo wenkululeko, oshone ngowe-1993.
Unkk Dlamini (Bathabile), uthe umnu Ramaphosa kumele anake izindaba zakhe.
Ukuphawula kanje kuka- mengameli WE-ANCWL kulandela ukuba umnu Ramaphosa ebe sematheni kuleli sonto ngemuva kokuba ethe uyakholwa wukuthi umengameli Jacob Zuma wamnukubeza ukhwezi (Fezekile Khuzwayo).
“Uma ufuna ukukhuluma ngabesifazane, sicela ukuba ukhulume ngawe kuqala. Siyakwazi okwakho obhekene nakho, nawe uyakwazi osudlule kukhona. Nathi asingenanga kukhona. Kawazi lutho ngokuthi izinto zaqala kanjani,” kusho umengameli weANCWL.
Uphinde wakhwela wadilika emajajini aseningizimu Afrika wathi mawayeke le nto yawo ase- yenza yokungena izindaba zepolitiki ngoba agcine eseyinyomfa kakhulu kunakuqala, aphinde adicilele isithunzi sawo phansi.
Phakathi kwamalunga E-ANC aqavile abekhona kulo mcimbi kubalwa unkk Nkosazane Dlamini-zuma osembangweni oshisa phansi wesikhundla sokuba ngumengameli WE-ANC ayingxenye yawo nomnu Ramaphosa.
Abanye abebekhona ngumnu Nathi Mthethwa, ngumnu Fikile Mbalula, ngunkk Nomvula Mokonyane, ngumengameli weANC Youth League umnu Collen Maine, nelunga lesishayamthetho Kwazulu-natal, umnu Meshack Hadebe.