Ubongz uzobuyisa impilo emakilabhini
Uthi itheku belingenjena
INKAKHA kadj engaconsi phansi kubalandeli bayo, ngenxa yemidanso yayo emisha futhi ehlale ihlanyisa abantu, ikhala ngokufa kwama- night club ethekwini.
Ubongani Dlamini, owaziwa ngodj Bongz, uthi imkhathaza kakhulu le ndaba ngoba yena uyalazi itheku belingenjena. Uthi into ebulala ama- club
ethekwini wukuthi sekusabalele umculo we- hip hop kakhulu kuwona wonke ama- club akhona.
Uthi ukuvuselela ama- club
uzokuthatha akwenze umsebenzi wakhe.
UDJ Bongz ukusho lokhu emcimbini abedlala kuwona wokuvula indawo yokujuxuza entsha, ithe Boss Lounge, emorningside, ethekwini. Le club phambilini ibibizwa ngeUltra Bar.
Uthe uzoqinisekisa ukuthi umculo odansisayo udlalwa kakhulu kule ndawo ukuze abantu bezobuyelwa wumfutho weclub. Uthi le nto yokungadlalwa komculo odansisayo okubalwa kuwona i- house, igqomu nekwaito imkhumbuza izikhathi zoskyy bar, Scallas Cafe, Afro Lounge, Plush nezinye.
Uthi kulezi zindawo kwakusha isigubhu kuse emnyango kodwa manje ayisekho yonke leyo nto, abantu sebeya uma kunomculi othize odlalayo.
Kulo mcimbi UDJ Bongz ubehamba nesiphalaphala sentokazi esaziwa kakhulu ngokunandisa ekong, egoli, unicol Nyaba.
Le ntokazi ike yaba sematheni isolakala ngokuthathela ubonang isoka, U-AKA. Unicol ubengomunye wabebenandisa. Abanye abebekhona yidistruction Boyz nosphectecula.
Imenenja yale ndawo, uthabisoul, ithi kuzovulwa kusuka ngoLwesithathu kuze kube yimpelasonto.