2. ANGIPHINDANGE NGATHOLA UKUJABULA
PASTOR, nginenkinga, ngicela ukukhulekelwa. Selokhu ngazalwa angikaze ngikuthole ukujabula, ngahlukumezeka ngisemncane, angikwazi ukudlulisa, kuningi engihlukumezeke ngakho.
Ngineminyaka engama-48 nabantwana abane, ababili abasemshadweni, ababili ngabathola ngaphandle komshado, indoda isingixoshile.
Yayingithwalile ngifunda ugrade 8, yagcina ingilahla, angiphindanga ngathola ukujabula empilweni. Sengibonga ukuthi unkulunkulu ungivusile, angisajabuleli lutho lwakulo mhlaba. Ngicela umkhuleko, ngithole amatoho. nabo bayangijolela ngigcine sengibayeka. Konke ngikwenza kahle nasembhedeni nginzima kakhulu. Angazi noma (njengoba bengishiya) wukuthi ngizimisele ngempilo bona bayadlala.
IMPENDULO: Cha mfowethu ukukhula yikho lokho. Sikhula ngezimo esihlangabezana nazo. Sikhula ngokuhlukumezeka okuke kwenzeka nje empilweni yethu singenzanga lutho.
Kodwa esimeni sakho engikucela kakhulu wukuba ungabozahlulela ngomjolo ukuthi abantu ojola nabo benza njani ngoba abanye abantu ohlangana nabo empilweni basuke bengazi ukuthi bafunani.
Ngesinye isikhathi uke uhlangane nomuntu ozokusebenzisa nje (user), ozodlala ngawe. Iqiniso lesibili elokuthi umjolo ufana nokugembula - uyawina noma uhlulwe. Akuyona into esingayibeka enhliziyweni ukuthi wajola nobani wenzani.
Unkulunkulu ukubekele umuntu okahle oyohlangana naye ngelinye ilanga. Bonke abantu abakushiya empilweni wyingoba ubungadalelwanga bona, ukuba wawudalelwe bona babengeke bakushiye.