KUYAKHANYA PHAMBILI KU-FEY WE-TOMORROW
KUVAMISE ukuthatha isikhathi eside ukufinyelela esicongweni kodwa kubukeka sekuqalile ukuntwela ezansi kwintokazi yaseMpendle, entshonalanga yekwazulu-natal, eyaziwa ngofey emculweni, kodwa ogama layo langempela nguzethu Mpethwane kodwa eyaziwa kangcono ngelikafey emculwen.
Abaningi baqale ukuyiqaphela le ntokazi engomeni kadj Wonder ethi “Tomorrow”, lapho icula khona sengathi iculela ukungena ezulwini uqobo ngenxa yamandla ezwi layo.
Ngale nje kwalokho ibuye ibe nekhono lokulingisa, ukukhiqiza amafilimu, ngokunjalo nokuwabhala. Muva nje isayine ngaphansi kwenkampani kadj Bongz osemnka- ntshubomvu kulo mkhakha, igwaragwara Entertainment.
Uphinde abe ngumqeqeshi wamaciko afufusayo, ngaphansi kwenkampani ifuture Production, okumvulele ithuba lokuba agcine enganyelwa yinkampani katony nosthandiwe Kgoroge, iblack Beach Production, emdlalweni obuqondiswe ngukabomu Vilakazi. Amagama alaba abangenhla akubeka kucace bha ukuthi akaselona ivukana. Isingili yakhe yokuqala uyidedele ngowezi-2014 (Revolution Song) nebinoMgarimbe wodumo. Idlalwe kakhulu le ngoma eziteshini eziningi zomsakazo ezinkulu.
Ngale kukadj Wonder wetomorrow uke walunguza engomeni kadj Oros ethi Thuma Mina, ekadj Mngadi wokhozi FM ethi Uzongilanda, ekadj Sparks Bantwana ethi Let’s Go, ekadj Mbuso ethi Joy, ekaProfessor ethi Brand New nezabanye abaningi. Uthi njengamanje unezinhlelo zokubambisana nabavela kwamanye amazwe naphesheya kwezilwandle imbala. “Kuzoba ngokokuqala ukuba ngikhiphe eyami ngqo isingili ngonhlolanja (February) esibheke kuwo. “Kukhona nenye ingoma esiyenzile kadj Bongz ethi Nomathemba, azoyikhipha maduzane,” usho kanje egcizelela ukuthi impela itomorrow yiyo emgqamise kakhulu. zowakha@ ilanganews. co.za