EZAMAFILIMU:
SHE IS KING UMQONDISI: Gersh Kgamedi ABADLALI ABAPHAMBILI: Gugu Zulu (Khanyisile Khumalo), Aubrey Poo (Mak Bogatso), Khanyi Mbau (Vivan), Bongani Madondo (Shakes), Khabonina Qubeka (Gugu Dhlamini), Mbuso Kgarebe ( Luyanda), Mike Mvelase (Baba Khumalo), Sophie Ndaba (Sibongile)
UHLOBO: Musical IMINYAKA: 13 UMHLAZIYI: Zowakha Mbatha
NAKUBA igxekiwe ngokuphambanisa umlando kodwa ongezukunaka lokho ngoba mhlawumbe engenandaba nomlando kazulu noma engawazi kwanhlobo uzoyithokozela le filimu.
Ingentombazanyana yaKwanongoma, ukhanyisile, esuka khona inikele egoli iyozama inhlanhla emdlalweni weshashalazi ohlelwa ngumak wodumo osanda kubuya e-united States of America. Lo mdlalo ungomkabayi kajama ongowesifazane owaziwa kakhulu emlandweni kazulu.
Le ntombazanyana uyise ukhumalo ubesezinhlelweni zokuyiganisela insizwa yendawo enezinkomo. Isifika egoli kumzala wayo igcina yehluleka wukufika ngesikhathi kuma- audition ngoba ibibambezeleke etohweni ebifakwe kulo ngumzala, igcine ilala emgwaqweni ngoba ingasayitholi netekisi yokuphindela kwamzala.
Ngakusasa, ingena ezindlini zangasese zale theatre ebekunenhlolokhono kuyona ngoba ifuna ukwesula ubuso bese iyagoduka.
Ngesikhathi isazama ukuzesula ibe icula, izwiwa nguvivan oyingxenye yabaphathi balo mdlalo, nokunguye oyichithe ngayizolo ngoba ifike sekwedlule isikhathi. Uyathatheka ngendlela ecula ngayo bese eyihambisa ngqo kumak, yenze inhlolokhono bathatheke bonke kube wukungena kwayo-ke lokho. Kayibi lula indlela eya empumelelweni njengoba isinqandamathe sikamak, ugugu, singayinambithisisi kahle, sizama nokuyichitha ngezindlela ezahlukene.
Khona lapho iwela ogibeni olujwayelekile igcine ithandana noluyanda oyisoka lamanyala oyingxenye yabalingisa naye kodwa ongumdlwembe osuphumelele. Khona lapho uvivan uthola ukuthi kahle hle unina lo engamazi ngumngani wakhe usibongile ake waba semdlalweni owodwa nanoyise phambilini. Konke lokhu kuyidida ikhanda ize iphindele