SIHLAZIYA UMCULO:

UMCULI: DJ MERLON ISIHLOKO: PURE BLACK ALBUM UHLOBO: VOCAL HOUSE UNYAKA: 2017 AMAPHUZU: 8/10

IMNANDI le albhamu ka-dj Merlon, ikakhulukazi ingoma engeyesi-7 esihloko sithi “Themba lami”. Ngiyikhe ngoba yiyo ethi iqala nje ibe iculwa ngephimbo futhi iyabalisa, nomqambi wayo ubesothandweni ngempela. Zonke ezinye zihamba ngesigqi se- house music, ziqala ngezinsimbi ezimnandi, iphimbo lingene kamuva. Bazoyithakasela abathandi bomculo kadj Merlon ikakhulukazi njengoba kuyizinsuku zenjabulo. UMCULI: YVONNE CHAKA CHAKA ISIHLOKO: KEEP LOOKING AT ME UHLOBO LOMCULO: AFRO SOUL UNYAKA: 2017 AMAPHUZU: 8/10

AKUKHO okusha kule albhamu ngomculo kamachaka onesigqi nohlelekile. Iphimbo kuseyilona lelo elicolisekile. Kukhona nezingoma eziculwa ngabanye kule albhamu. Okugqamile kule albhamu wukuthi izingoma zizokwenelisa i-afrika yonke. Indlela ethakwe ngayo ilungele bonke abantu base-afrika. Iyatholakala ezitolo ezidayisa umculo. UMCULI: SGISHA SOUL ISIHLOKO: TRADEMARK UHLOBO LOMCULO: AFRICAN SOUL UNYAKA: 2017 AMAPHUZU: 9/10

YIGQOMU engasukumi phansi lena.

Izingoma ezikule albhamu zihambisana nesikhathi esikuso njengamanje, isikhathi samaholide futhi sokuzithokozisa. Bazoyithokozela labo abathanda umjuxuzo. Izinsimbi nesigubhu kuhlanganiswe kahle, abantu bazojuxuza babe manzi te. Ingoma yokuqala kule albhamu ikushiya ucabanga ukuthi yi-afro. Kodwa kusukela kweyesibili nguwayawaya kuze kuyovalwa, iyagqoma. Iyatholakala ezitolo.