SEBASTIAN JILI

NGABE WUSUKU LWAKHO LOKUZALWA NAMUHLA?

IZINKINGA ongabhekana nazo yilezo zokufeza izidingo ezithile. Zikhona izinkinga ezidinga ukuba uzixazululele wena, bese kuba khona lezo ezidinga abanye. Ungalinge ulahle ithemba kodwa kumele ukhumbule ukuthi uma sekuzokusa kuba mnyama kakhulu.

ARIES

KUKHONA okukuphethe kabi mayelana nokuthile ofisa ukukwenza kodwa obonayo ukuthi isimo Kasikuvumeli. Ujwayele ukusiza abadinga usizo ekubeni kunguwe oludinga kakhulu. Ubudlelwano bakho abuqondakali kahle.

TAURUS (April 20-May 20)

YISIBINDI kuphela esizokusiza kwezinye izinkinga obhekene nazo. Uma ufisa ukufunda okusha uzobona ukuthi ulwazi luzoziletha lona. Ukusebenzisa umqondo kunoma yiziphi izinqumo kuzokwenza ukuba ungabi nakho ukuzisola.

GEMINI (May 21-June 21)

KUNAMATHUBA asekuphuthele abalulekile kakhulu. Unomsebenzi omningi obhekene nawo kodwa uyabona ukuthi kakunyakazeki ngendlela efanele. Abanye obuxhumene nabo kawusabaqondi manje ngendlela abenza ngayo.

CANCER

KUZOMELE uqhamuke namacebo ahlukile azokwenza abantu babone ukuthi uyakwazi ukwenza izinto ezihlukile. Impilo yakho kumele uyithokozele umzuzu nomzuzu futhi ungabanaki abakugxekayo.

LEO (March 21-April 19) (July 23-August 22)

EZINYE izinto obuzisaba uzobona sengathi ziya ngokuhlangana. Umqondo wakho ungalinge uwucabangise izinto ezikuhlehlisela emuva. Uyabona ukuthi ezothando zakho zibuye zikufake ezindlekweni.

VIRGO (June 21-July 22) (Aug 23-Sept 22)

BAYAKUCASULA abantu abakhuluma bengacabanganga. Umqondo wakho ubukhali kakhulu ekuboneni izinto ezingalungile. Ukugxekwa nokuhletshwa uma uzokunaka kakhulu kungakubangela ingcindezi.

LIBRA (Sept 23-Oct 22)

UYATHANDA ukwenza izinto ngokuzimela kodwa isimo sizokuphoqa ukuba uxhumane nomndeni kokunye. Uzobhekana neminye imisebenzi eseceleni kanti uzoba nengcindenzi yokuba uyiphothule ngesikhathi esithile.

SCORPIO (Oct 23-Nov 21)

ISISEKELO esiqinile okumele usakhe manje esokuba nomgogodla empilweni yakho. Into ezokugcina umatasatasa izoba nomphumela omuhle ekugcineni. Ukusebenzela inhloso enhle kumele ukubeke phambili.

SAGITTARIUS (Nov 22-Dec 21)

KUZOMELE uzinike isikhathi esikhethekile nesithandwa sakho nivuselele uthando lwenu. Abantu abaningi bayawancoma kakhulu amagalelo akho nezinto ozenzile empilweni.

CAPRICORN (Dec 22-Jan 19)

KUNAMAPHUTHA okumele uwalungise. Ezinye izinkinga obhekene nazo manje zidalwa amaphutha owenze izolo. Isikhathi okusona sikwenza ucabange ujule ngezinto eziningi kakhulu.

AQUARIUS (Jan 20-Feb 18)

UKUZIVOCAVOCA nokudla ukudla okunempilo kuzomele kube nemiphumela ebonakalayo. Uyacabanga ngezinye izinto ezikulahlekelile empilweni yakho. Umndeni wakho uwubona usemqoka kakhulu kulesi sikhathi.

PISCES (Feb 19-March 20)

UZOCABANGA ngamaphupho akhethekile azokubeka kwelinye izinga. Ukusebenza kanzima kwakho kwenze kube wumkhuba osemqoka ngaso sonke isikhathi.