AVE BEPHATHANA KAHLE EMTHOLAMPILO WASETHALANENI
MHLELI, ngicela ungemukele kwelenu elingashayi eceleni. Ngithi ake ngedlulise ukubonga ezisebenzini zasemtholampilo ethalaneni, enkandla.
Izisebenzi zikahulumeni sezaduma kabi ngenxa yokwehluleka wukuhlonipha abasuke bezocela usizo. Imvamisa uma uhambele amahhovisi okutholakala kuwo usizo lomphakathi, hhayi akukuhle neze futhi khona lapha enkandla ziyakwazi ukuzibukisa izisebenzi zaseminyangweni kahulumeni.
Azikhethi nokuthi ungakanani kunazo. Kodwa sengijwayele ngale emtholampilo ethalaneni - izisebenzi zakhona ungathi zizalwa ngumuntu oyedwa ngokuphatha kahle abantu, ngisho onogada bakhona imbala.
Uma kuwukuthi ngumphathi wakhona obenza babe yiloluya hlobo lwabantu akaqhubeke, kuhle akwenzayo.
Uthi ungena ubone nje ukuthi hhayi uze ekhaya. Ewindini lokuqala akekho ofica echizela omunye.
Bakwenza welulame ungakaphuzi namaphilisi ozowathola. Uthi uphuma uzizwe uphilile ngokwemukelwa kukodwa nje. Sengathi nani (eningakwazi ukuphatha abantu) beningake niye niyofunda impatho ethalaneni.
Ngithi nje kini zisebenzi zase- Thalaneni ukhisimusi omuhle. Unkulunkulu anibusise, niqhubeke nokuhlonipha niphathe kahle abantu njengoba nenza nje.
Bakwenza welulame ungakaphuzi namaphilisi ozowathola. Uthi uphuma uzizwe uphilile ngokwemukelwa nje kukodwa. Sengathi...
Cebo Buthelezi KWACHOLWANE, ENKANDLA