Uyakhala uma ekhumbule uyise
UNGENE emabhukwini omlando unkosikhona Mhlakwana wasemgungundlovu enqoba iheroes Marathon egijinywa minyaka yonke equnu, e-eastern Cape, ukuhlonipha udkt Nelson Mandela owaba ngumengameli wokuqala wentando yabantu eningizimu Afrika.
Lo msubathi wephuma KZN unekhono elibabazekayo kulo mdlalo njengoba esemele ikwazulu-natal emijahweni eyahlukene. Uzalelwe ematatiele ngowe-1993 kodwa wakhulela emathandubisi, emgungundlovu.
Uqale imfundo yamabanga aphansi enogqaza Primary School, wadlulela enjoloba Secondary lapho ephothule khona ugrade 12 ngowezi-2013. Wenza unyaka wesibili kwiziqu zobuthishela e-university of Kwazulu-natal (UKZN) e-edgewood Campus ezizomnika igunya lokufundisa ematechnical and Vocational Education and Training (TVET).
Uzalwa ngu-agnes Mhlakwana osaphila kanti uyise udlule emhlabeni ngowezi-2009. Bayisihlanu kwabo, abafowabo ababili, umphikeleli nobantu, bese kuba odadewabo ababili uslindile nobuyisile.
Ugqozi lokugijima ulufakwe nguXolani Mabhida opheka ubongumusa Mthembu oyingqwele yanonyaka yecomrades Marathon. Ingxoxo YELANGA Langesonto noMhlakwana ngempilo yakhe yangaphandle kwenkundla ihambe kanje:
ILANGA Langesonto: Kawuchazele abafundi ukuthi ungumuntu onjani?
Mhlakwana: Nginomoya ophansi. Ngiyakuthanda ukulalela abanye abantu ngoba ngikholelwa ekutheni ukuze ngikhule kufanele ngilalele nemibono yabanye. kamakhalekhukhwini?
Mhlakwana: Ngisebenzisa isamsung J7 Prime.
ILANGA Langesonto: Ukhona ezinkundleni zokuxhumana?
Mhlakwana: Ngikhona kwiWhatsapp, kanti kwifacebook ngiwunkosikhona Mhlakwana bese kwi-instagram ngiba unkosikhona_mhlakwana.
ILANGA Langesonto: Ugqoka muphi usayizi weteki?
Mhlakwana: Ngigijima ngemaxed kanti ngifaka u- size 8. ILANGA Langesonto: : Sikhona isilwane osesabayo noma osithandayo?
Mhlakwana: Ngithanda ibhubesi, yonke into eliyenzayo liyazimisela kanti ngiyisaba ukufa inyoka.
ILANGA Langesonto: nini ukukhala?
Mhlakwana: Ziyangifikela njalo izinyembezi uma ngikhumbula ubaba wami odlule emhlabeni ngowezi-2009 kwazise akayiboni impumelelo yami.
ILANGA Langesonto: Ngomgqibelo kuyiwa engqungqutheleni enkulu YE-ANC ngabe ufisa kuthathe bani?
Mhlakwana: Ngingajabula uma kungaphatha umuntu wesifazane. Ngingakucacisa nje uku thi ngifisa ukubona UNDZ (Dkt Nkosazana Dlamini-zuma) ethatha izintambo.
ILANGA Langesonto: Uthini umyalezo wakho entsheni?
Mhlakwana: Mayingajahi izinto. Impilo inezigaba okufanele umuntu adlule kuzona ukuze aphumelele. Ukuba nengane usemncane kakukwenzi umzali, kufanele yazi ukuthi inabazali okufanele ibahloniphe.
ILANGA Langesonto: Uma ungaba ngumengameli wezwe yini ongayenzela isizwe?
Mhlakwana: Ngingalwa nokuqeda ubugebengu obuhaqe izwe. Abantu bathwele kanzima kabakwazi ukuhamba bakhululeke ngenxa yezigebengu bese ngakha namathuba
emisebenzi. Ugcine