Eymael ucacisa ngowokucija ichiefs
Abaqashi bakhe bayazi ukuthi uyashelwa
UCACISA ngomsebenzi wekaizer Chiefs uluc Eymael ongumqeqeshi wefree State Stars omataniswa nokuhlala kulesi sigqiki okubukeka sishisa usteve “Mphathi” Komphela.
Ibloemfontein Celtic izobhekana nomkhaya ifree State Stars kowe-absa Premiership namuhla ngesonto ngo-15h30 edr Molemela Stadium, efree State.
Istars iya kulo mdlalo nje, u-eymael kuvela ukuthi angase ayishiye uma sekuphele isizini njengoba eyamaniswa nomsebenzi wokulolonga ichiefs engenzi kahle ngaphansi kobuholi bukaKomphela.
Ukomphela abasamufuni abalandeli kanti leli phephandaba lisanda kubika ukuthi usihlalo wechiefs, ukaizer “Shintsha Guluva” Motaung, usenqumile ukuthi ngeke esamgcina uzomdedela uma kuphela isizini noma angazinqoba lezi zinkomishi ezimbili ezisele okuyi-absa Premiership nenedbank Cup.
Leli phephandaba lixoxa noEymael owenza izimanga kwifree State, ugonyuluke ngomsebenzi wechiefs.
“Okokuqala nje engifuna ukukusho wukuthi angikaze ngisifake isicelo somsebenzi kwichiefs. Lokho ngifuna ukukubeka kucace. Ngiyazazi ngingumqeqeshi oseqophelweni eliphezulu noma iyiphi ikilabhu engingasebenza kuyona ungabonakala umehluko.
“Buka into engifike ngayenza kwipolokwane City, ngifike ngayishintsha. Kwiceltic ngifike ngenza umehluko ngisebenza kanzima ngenxa yepolokwane City, ngisebenzela ezihlweleni. Buka manje kwifree State ngenzani, umehluko uyabonakala.
“Engizokubeka kucace wukuthi ikhona ikilabhu esike yaxhumana nami egijima kwi-absa Premiership nabaqashi bami ngibazisile ngayo.
“Ngiyafisa ukukutshela igama lale kilabhu kodwa ngeke ngikwazi ngenxa yokuhlonipha ukuthi umqeqeshi inaye.
“Okwamanje ngiyathembisa ukuthi ngizoqhubeka nokwenza umsebenzi wami kwifree State okuyokwenzeka (emuva kwalokho) ngunkulunkulu owaziyo,” kusho u-eymael.
Ephawula ngomdlalo wabo neceltic, uthi ayikho nakancane into emthusa ngokuthi ngowomkhaya.
“Imidlalo yomkhaya yakuleli ayifani neyasemazweni engisebenze kuwona e-afrika. E-DRC (Democratic Republic of Congo) ngesikhathi ngilolonga I-AS Vita Club besivika izitini uma sizodlala netp Mazembe ngendlela obekuyiyona.
“Abantu bakuleli bafundisekile, abayenzi leyo yinto yingakho ngingenalo uvalo ngeceltic futhi-ke ngisebenzile kuyona ngiyayazi. Silindele umdlalo omuhle kuyona futhi ngiyazi izokube igcwele inkundla yonke ngoba bayaphuma abalandeli bayo.
“Inethuba elingcono kunathi ngoba isefomini kodwa sizozama ukuwunqoba lo mdlalo,” kusho u-eymael.
Utshepo Rikhotso odlala emuva kwiceltic, uthi lo mdlalo uzokuba seqophelweni eliphezulu.
“Ukubhuntsha komdlalo wethu namazulu FC phakathi neviki kusiphazamisile ngoba sekunesikhathi sigcine ukudlala cishe sinesonto nezinsukwana.
“Kodwa-ke sizokwenza ngawo wonke amandla ukuthi ifree State kayiphumi nalutho,” kusho urikhotso.
Engizokubeka kucace wukuthi ikhona ikilabhu esike yaxhumana...
senzos@ilanganews.co.za