KUSAHAMBA NGOKWAMAGAMA ENKEHLI KUJOMO SONO
KUSAHAMBA ngokwamagama kadkt Ephraim “Jomo” Sono ongumnikazi nomqeqeshi wejomo Cosmos egijima kwinational First Division (NFD).
Usono ulibeke ngesihloko kuqala le sizini elokuthi usekhathele wu-kuyibamba kulesi sigaba, usefuna ezakhe zibuyele kwi-absa Premi-ership.
Uthe uzimisele ngokushisisa umbango wokunqoba lesi sigaba isizini isasuka phansi. Kubukeka konke kusavuna lesi sikhulu.
Nokho kakuhambi ngokwamagama enkehli kwiroyal Eagles ezwakalise intshisekelo yokomela ukuyokuzwa uju olutholakala esigabeni esikhulu ngesizini ezayo.
Le kilabhu yakwampisane ibalwa nangase adliwe yizembe njengoba ishaya indiyandiya ngasemsileni.
Womabili la makilabhu azotho- lana phezulu emdlalweni WENFD onamuhla ngesonto ngo-15h30 evosloorus Stadium, egoli. EzikaSono zizogijima lo mdlalo ngaphandle kukascelo Mkhize odabuka Kwazulu-natal olimele ihlombe.
Angase aqale ukubonakala ngonyaka ozayo. Ezinhle kwicosmos ngezokubuya ekulimaleni kukatebogo “Messi” Tlolane.
Usiza Dlamini oyiphini likasono, utshele ILANGA Langesonto ukuthi ifike kabi i-eagles njengoba belwa nokungadedeli lutho ekhaya.
Kulo mdlalo kubhekeke amagalelo kakostadin Papic novladislav Heric abangabaqeqeshi abasha be-eagles esanda kuqathaza uzipho Dlangalala obeyibamba lo mlolongi.
Ubuntu Cape Town FC izobhekana nethongathi FC engagayelwa mphako kulezi zinsuku emdlalweni onamuhla ngo-15h30 eparow Park, ecape Town.