OWE-MAN UTD UBALISA NGEKHADI ELIBOMVU LIKA-PAUL POGBA
UMDLALI wemanchester United ubona ezakhe zizodonsa kanzima njengoba zizokuya emdlalweni omqoka womkhaya ngaphandle kwengwazi yazo.
Iman Utd izobhekana nemanchester City kowebarclays Premiership namuhla ngesonto ngo-18h30 e-old Trafford.
Lo mdlalo uzosakazwa bukhoma kwiss3. Kulindeleke ukuba ubukwe emazweni amaningi emhlabeni njengoba kuwumdlalo omkhulukazi.
Okwenza uhehe abathandi bebhola wukuthi kubhekene abaqeqeshi abahlonishwayo emhlabeni, ujose Mourinho weman Utd nopep Guardiola weman City.
Nokho iman Utd izokuya kulo mdlalo ixhugela njengoba upaul Pogba engeke abe khona ngenxa yekhadi elibomvu alithole ngeledlule ezakhe zibhekene neArsenal koweligi.
U-ashley Young odlala esiswini kwiman Utd, uthi kuzokuba nzima njengoba upogba ezokube engekho.
“Bakhona abadlali abazosivala isikhala sakhe kodwa besimudinga ngendlela eyisimanga kulo mdlalo. Indlela asibamba ngayo isisu iseqophelweni eliphezulu futhi uhlukile, usezingeni lakhe yedwa.
“Singase sithwale kanzima kulo mdlalo kodwa into engasisiza wukuthi sidlalela ekhaya. Akulula ukuba sivume ukuhlulelwa ekhaya, abalandeli bethu basifaka umfutho ngendlela eyisimanga,” kusho uyoung.
Usergio Aguero umgadli weman City, uthi konke kumi ngomumo.
“Sesiwulungele umdlalo, ukuhlulwa kwethu phakathi nesonto kowechampions League kusilimazile kancane kodwa bekungesiwo umdlalo weligi futhi ukuhlulwa kwethu aku- zange kudale umonakalo ongako ngoba sesidlulele esigabeni esilandelayo sechampions League.
“Siwulungele lo mdlalo futhi siyazi ukuthi ngeke ube lula kodwa sizozama ukuqhubeka lapho sigcine khona singavumeli kuphuke irekhodi lethu lokungehlulwa ngale sizini kwiligi,” kusho u-aguero.
* Isiyonke imidlalo yebarclays Premiership enamuhla ngesonto imi kanje: Southampton vs Arsenal 14h00 (SS3). Liverpool vs Everton 16h15 (SS3). Manchester United vs Manchester City 18h30 (SS3).
* Eyespanish La Liga yona iqhathwe kanje: NAMUHLA NGESONTO Real Sociedad vs Malaga 13h00 (SS7).
Real Betis vs Atletico Madrid 17h15 (SS7).
Levante vs Athletic Club 19h30 (SS7). Villarreal vs Barcelona 21h45 (SS7). KUSASA NGOMSOMBULUKO Espanyol vs Girona 22h00 (SS7).