ISICELO SABE-CHIEFS KWI-TEAM OF CHOICE NGOKOMPHELA
ABALANDELI bekaizer Chiefs bafake isicelo kufarook “Ntshebe” Kadodia ongumnikazi wemaritzburg United ukuba abuyise kule kilabhu yakhe usteve “Mpathi” Komphela ocija izimpofana.
Imaritzburg iguqise ibaroka FC ngo-3-0 wamagoli amabili ka-evans Rusike nelikasiphesihle “Mbesuma” Ndlovu kowe-absa Premiership ngolwesihlanu ebusuku eharry Gwala Stadium, emgu-ngundlovu. Kulo mdlalo abalandeli bebephume ngezinkani ukuzokweseka imaritzburg.
Iqeqebana labalandeli ebelifake imifaniswano yechiefs, licele ukadodia ukuba athathe ukomphela njengokubanika kwakhe, bathi abasamdingi.
Bathi ngeke bamufune mali, umahhala. Kuzokhumbuleka ukuthi ukomphela uhambe kukubi kwimaritzburg kumasizini amabili nesigamu adlule elibhekisa kwichiefs.
Imaritzburg ibilwa ithi usanenkontileka kodwa wagcina ehambile. Ukadodia uthe uyamubonga, unaye ufadlu Davids. Kulo mdlalo kubonakale no-ernst Middendorp, ohambe ekuqaleni kwesizini kwimaritzburg, ethi kunezikhulu ezimzondayo ebholeni lakuleli.
Ukadodia uthi iyamjabulisa indlela abahlohla ngayo amagoli kwazise emidlalweni emibili yakamuva babhakuzise ayisi-7.
Nokho uthi kunezindawo azoziqinisa uma kuvulwa iwindi. Uthi akabafuni abadlali abebeyifenisha emakilabhini abo, ufuna abagijime imidlalo eli-10.
Ukgoloko Thobejane ololonga ibaroka, usole abadlali bakhe ngokumenzela phansi. senzos@ilanganews.co.za