UMANYISA UYAZISOLA NGOKUSHIYA I-PIRATES
Ukhathazwa wukukhuhla ibhentshi kwidowns
KUVELA ukuthi uyazisola ngokushiya i-orlando Pirates u-oupa “Ace” Manyisa okuvela ukuthi ukhala ngokushisa kwensimbi kwiMamelodi Sundowns.
Ipirates ithuse abathandi bebhola imemezela ukuthi umanyisa usesayiniswe yisundowns ekuqaleni kwesizini kwazise ubengukaputeni wamabhakabhaka.
Into ebithusa abathandi bebhola ngokusayiniswa kwalo mdlali wukuthi kwibucs ubesephelelwe wushatini, ehlelwe nayifomu.
Selokhu efike kwidowns udonsa kanzima njengoba ekhuhla ibhentshi kokunye abuye alinikwe ithuba. Ujoyina isundowns nje, kwipirates ubedlala ngisho kubonakala ukuthi wehlelwe yifomu.
Leli phephandaba lihletshelwe ngomunye umdlali wedowns, osondelene kakhulu nomanyisa, ukuthi uyazisola ngokujoyina amaSandawana.
“Nakuba kungabanga yisinqumo sakhe yedwa ukushiya ipirates kodwa uyazisola ngokujoyina isundowns. Isikhathi ayefuna ukushiya ngaso ibucs wa-nqatshelwa, wahamba lapho engasathandi khona.
“Into emkhalisa kakhulu ngeSundowns wukuthi kunabadlali abaningi endaweni yakhe kanti-ke nesitayela sakhe sebhola sihluke kakhulu kunesidlalwa yisundo- wns, uzibona enga-ngeni khaxa.
“Ulibeke ngesihloko elokuthi lapho abezolunga khona kahle yikwikaizer Chiefs ngoba idlala ibhola elithi malifane nelepirates.
“Nokho ngoba akusekho ukujikela emuva uthi uzoyibamba ishisa kanjalo uzoze ajwayele. Into emkhalisa kakhulu wukuthi kwi- Pirates ubengaminci uma kubizwa iqembu labali-18 eliya emdlalweni manje kwidowns ubamba umoya okuyinto abengayazi,” kusho lo mdlali ocele ukuba lingadalulwa igama lakhe.
Leli phephandaba lishayela uthulani “TT” Thuswa wezokuxhumana kwisundowns ukuba ali- nike imvume yokukhuluma nomanyisa njengoba kuwumthetho wale kilabhu ukuba kuqalwe kuthintwe yena uma kunomdlali okufanele uxoxe naye, ucele ukuthunyelelwa umqhafazo kuqala bese ephendula kuwona. Nokho akazange awuphendule kwaze kwashaya isikhathi sokuloba.