SEBASTIAN JILI

NGABE WUSUKU LWAKHO LOKUZALWA NAMUHLA?

UHLOBO lwempilo oyiphilayo luyakwenelisa ikakhulukazi uma uphuma esixukwini. Ezinye izinhlelo zakho akumele uzixoxe kwabathile kodwa kumele uvele uzenze. Uyakuthanda ukonga nokuphila impilo ekuyisa phambili.

ARIES

ZININGI izinto ezisemqondweni wakho. Uma ubuzitshela ukuthi kawunaso isikhathi sokwenza izinto ezithile, lesi yisikhathi esikahle sokumpintsha, wenze konke odinga ukukwenza. Akumele uguquke emibonweni yakho.

TAURUS (April 20-May 20)

UKHATHAZWA yizindleko okufanele ubhekane nazo. Uzobona ukuthi imicabango engalungile iletha ukukhathazeka okungakanani empilweni yakho. Kumele uhlale useduze nabantu abangakukhulisa emicabangweni yakho.

GEMINI (May 21-June 21)

UNAMATHUBA okonga okumele uwasebenzise. Isithunzi sakho ungasivikela ngokulwa nezinto eziphambene nonembeza wakho. Kunemibono okumele uyiqhakambise ehambisana nezinguquko eziya phambili.

CANCER

UGUQUKO oluzoba khona empilweni yakho luthinta nendawo yokuhlala. Uyazihlupha ngokuthungatha ulwazi, okuyinto ezokusiza ukuba unqobe. Ithemba olithola kwabathile lizokwenza ubone sekuseduze phambili.

LEO (March 21-April 19) (July 23-August 22)

UNAMAQHINGA angakusiza ukuba uphumelele. Kukhona intuthuko oyibonayo emsebenzini wakho. Uma uzimisela futhi wenza izinto ngomfutho uzothola imiphumela egculisayo. Yonke into oyenzayo kudingeka uyenze ngobuhlakani.

VIRGO (June 21-July 22) (Aug 23-Sept 22)

UNGABI nongabazane ezintweni ezikuyisa phambili nempilo. Ukuzimisela kwakho kukubeke ethubeni lokuhlomula. Ezinye izinselelo osudlule kuzo zizokwenza ukuba uzikhandle kakhulu. Ubuye ube yincwadi engafundeki kwabathile.

LIBRA (Sept 23-Oct 22)

UHLALE uzabalazela okuhle empilweni yakho. Uhlobo lwempilo oyiphilayo kumele uluhlolisise ukuthi luyakwenelisa yini. Lokhu ofisa kuchume empilweni yakho kumele ukulungiselele manje. Yithuba lokuba uzinike isibindi manje ukuze wenze lokhu obusaba ukukwenza.

SCORPIO (Oct 23-Nov 21)

UKUBAMBISANA nabanye kukhona lapho kukuhlomulisa khona. Ubuye ubone sengathi izinto zakho kazilungi ngesikhathi olindele ngaso. Ukusebenzisa ikhono lakho kuzokulethela inhlanhla ethile.

SAGITTARIUS (Nov 22-Dec 21)

UMQONDO wakho ukucabangisa izinto eziya phambili. Baningi abantu ozothola ukuthi usunogazi kakhulu kubona. Ufisa ukuxazulula izinkinga zakho kodwa lokhu ubona sengathi akuhleleki ngendlela oyifisayo.

CAPRICORN (Dec 22-Jan 19)

IZINDLEKO ezithinta umndeni wakho kumele ungazibalekeli. Ubone izimangaliso ezinkulu ezikhomba ukugqama nokunqoba empilweni yakho esikhathini esedlule. Ubuye ungakhululeki kahle ngezimo ezithile ezimayelana nezothando lwakho.

AQUARIUS (Jan 20-Feb 18)

UNAMAKHONO okumele akuhlomulise. Unemibono eminingi kakhulu ethinta kakhulu ikusasa lakho. Izidingo zothando lwakho kumele uhlale uzibeke phambili ukuze zithele izithelo njalo. Uyakujabulela ukwesekwa ngumaqondana.

PISCES (Feb 19-March 20)

ZININGI izinto obona sengathi zizohamba ngokwezifiso zakho. Kukhona lapho okumele usebenzise khona ubuhlakani bakho ukuze uzophumelela kalula. Unamandla amakhulu kakhulu okwenza izinguquko emisebenzini yakho.