Kuqhakanjiswe ubumbano kowe-anc
Uramaphosa wethembise ukulungisa izinkinga kuhulumeni
I-AFRICAN National Congress (ANC), ebibuthene emgubheni wokuqeda iminyaka engama-106 yabakhona, owaziwa kakhulu (umgubho) ngokuthi yiJanuary 8th Statement, isalokhu iyiqhakambise njalo indaba yobumbano enhlanganweni.
Omunye wabefundisi bamabandla ehlukene abebekulo mgubho obuse-absa Stadium, e-east London, e-eastern Cape, wexwayise I-ANC ngokuthi makungakhulunywa nje kuphela ngobumbano, kodwa maluphilwe.
Kuzokhumbuleka ukuthi ngaphambi kwengqungquthela yokukhethwa kobuholi ebingenyanga eyedlule enasrec, egoli, kuke kwashuba kakhulu, kwagqama uqhekeko enhlanga-weni njengoba bekunombango oshisaphansi wezikhundla.
Lolo qhekeko luholele ekutheni abanye abaholi BE-ANC bagxile ekushumayeleni ivangeli lobumbano.
Ngaphambi komcimbi wayizolo kuqale kwanochungechunge lwemicimbi ehlukene.
Kuleyo micimbi kubalwa neyokuvakashela emathuneni abaholi BE-ANC abangasekho odkt John Langalibalele Dube, Mnu Josiah Gumede, Chief Albert Luthuli, nomnu Oliver Tambo. Nokho abakwazanga ukuvakashela ethuneni likamnu Nelson Mandela ngenxa yokuthi umndeni uthe kufanele kuqale kube nosiko lwasemndenini olwe-nziwayo ngaphambi kokuba kuyiwe ethuneni, kodwa isigungu esi-phezulu sale nhlangano ebesiho-lwa ngumengameli WE-ANC omusha umnu Cyril Ramaphosa, siyile emzini kamnu Mandela, equnu.
Kube sekungenwa emhlanganweni wesigungu esiphezulu seANC nokube nokuqagela okuningi ngaphambi kwawo, kuthiwa kungase kudingidwe neyokukhishwa kukamengameli wezwe umnu Jacob Zuma esikhundleni, kodwa kwagcina kuvele ukuthi leyo ibinge- kho ohlwini lwebezizodingidwa.
Izolo ekuseni kushaye ihora lesithupha izindimbane zabantu seziqalile ukutheleka enkundleni, kucaca ukuthi basemzweni womgubho.
Ethula inkulumo yosuku umnu Ramaphosa uthe bavakashele amathuna abaholi abangasekho ngenhloso yokuyoshukumisa ama- thambo abo ukuze umoya kakhongolose uphume kulawo mathambo, ungene phakathi kwabo. “Njengamanje siyawubona umoya kakhongolose, ukhona lapha phakathi kwethu.
"Siyawuzwa lowo moya siwuzwa kule nkundla, nakwenye inkundla, nakwenye inkundla, nasemakhaya niyawuzwa lowo moya wamathambo abaholi bethu,” kusho umnu Ramaphosa.
Uthembise ukuthi bewubuholi obusha bazokwenza isiqiniseko sokuthi abantu bahlomula ngokuyikho ezinhlelweni zikahulumeni okufanele zithuthukise umphakathi.
Ugcizelele ukuthi izophela nya le nto yokuthi abantu bathole amathenda kuhulumeni kodwa bangawenzi umsebenzi. Uthe bazohamba bengena eminyangweni kahulumeni, ezifundazweni, nakomasipala babheke ukuthi kungahamba ngakho yini.
Uthe futhi bazokwenza isiqiniseko sokuthuthukiswa kwabantu besifazane kuzo zonke izigaba zempilo.
Ngasekupheleni kohlelo kusikwe ikhekhe kodwa langadliwa, kwathiwa lizonikelwa ezinhlanganweni ezifanele.
Phakathi kwezicukuthwane ebezethamele lo mcimbi kubalwa nomnu Uhuru Kenyatta onguMengameli wasekenya.