Igidigidi ngefilimu kabrenda Fassie
Kuphakanyiswa amagama ehlukene ngomlingisi ophambili
NAKUBA kuyizindaba ezinhle ukuqoshwa kwefilimu ekhuluma ngempilo yengwazi yaseningizimu Afrika engasekho, ebicula i- pop music, ubrenda Fassie, kodwa kube kuningi ukukhuluma ngemuva kokuvela kwazo lezi zindaba kuleli sonto.
Phakathi kwezinto ezisuse ukukhuluma kube wukuvela kwezithi le filimu izokhiqizwa yinkampani yase-united Kingdom (UK), ishowbizee Film Productions.
Abaningi bazwakalise ukungakwenameli lokho ngoba bekholwa wukuthi kufanele kube wumsebenzi ovutshelwa yinkampani yaseNingizimu Afrika njengoba lesi sihlabani kungesakuleli.
Nokho indondana kabrenda, ubongani Fassie, oyi-executive producer yale filimu uveze engxoxweni abe nayo nomany Wiener emsakazweni icape Talk ukuthi bonke abalingisi abazoba kule filimu ngabaseningizimu Afrika.
Ngemuva kwalokho, ezinkundleni zokuxhumana kuphinde kwaqubuka igidigidi, sekukhulunywa ngokuthi ngubani okufanele alingise ukuba ngubrenda.
Khona lapho ezinkundleni zoku- xhumana abanye baze bakhipha amagama abalingisi bakuleli ababona ukuthi bafanelwe wukulingisa ukuba ngubrenda kule filimu.
Phakathi kwamagama avelile kube ngelomlingisi oke wavelela elingisa emdlalweni kamabonakude ihome Affairs, ubrenda Ngxoli.
Abanye bebethi makube nguAnele Mdoda, abanye bethi nguSoso Rangqu olingisa indawo kaMorongwa emdlalweni kamabonakude osakazwa KWISABC 3, isidingo.
Akugcinanga lapho, kukhona abaphakamise igama lomlingisi umanaka Ranaka, ongulucy Diale kwigenerations: The Legacy.
Nelikasaziwayo upearl Thusi igama livelile, kodwa washeshe wazihlangula, wathi akafanelwe wukudlala le ndawo esemqoka kangaka.
Osekubhekwe kakhulu njengamanje wukuvela kohlu olusemthethweni kozolingisi le ndawo ephambili yalesi sihlabani.
Ifilimu le kubikwa ukuthi izoqoshelwa egoli nasecape Town, kanti kubhekwe ukuthi ikhonjiswe ema- cinema ngasekupheleni kwalo nyaka.
Ubongani uthe maduze kuzokwenziwa inhlolokhono yozodlala le ndawo ephambili kabrenda.