Ipirates ishubise umbango weligi
Utau ubeliphela endlebeni ezitobheni zebucs
edlule. Kowomzuliswano wokuqala idowns ihlule ipirates ngo-6-0 okwenze abalandeli bafuhleleka enkundleni okuphethe ngokuthi lama kilabhu abekwe icala yipremier Soccer League (PSL).
Ibucs ibinganikwa thuba kulo mdlalo njengoba idowns isibuyelwe wukuzethemba futhi iqhwakele kwi-log ye-absa Premiership. Idowns iye kulo mdlalo ihambela phezulu ngemuva kokuhlula i-ajax Cape Town ngo-2-1 phakathi nesonto. Ibucs nayo iye kulo mdlalo ngemuva kokuhlula ibaroka FC ngo-3-1 ngeledlule.
Idowns iwuqale kahle lo mdlalo ihlasela kuvalwe amehlo kodwa ihluleke sekumele iphasele inethi. Ibucs isebenzise ukuhlasela mawala kwedowns ukuthola amagoli amabili kungazelele muntu ngesiwombe sokuqala. Kulo mdlalo bekumele okungenani kuyiwe ekhefini ibucs ihamba phambili ngembudlu yamagoli ukube umemela uwasebenzise ngendlela amathuba awatholile, ekubeni notau benoThemba Zwane bewatholile amathuba abengenza ukuthi kuyiwe ekhefini idowns isilitholile igoli lokulinganisa.
Ukuhlulwa kwedowns kulo mdlalo kunciphise amathuba okuvula igebe esicongweni sepremiership.
Kweminye imidlao yepremiership, imaritzburg United italabhe ibloemfontein Celtic ngo-4-0 ngoLwesihlanu eharry Gwala Stadium, emgungundlovu. Amagoli okunqobe ngawo iteam of Choice avalelwe ngupogiso Sanoka, umohau Mokate, u-andrea Fileccia noEvans Rusike. I-ajax Cape Town ibuyise isithunzi ihlula iplatinum Stars ngo-3-1 kowepremiership ngosuku olufanayo. Amagoli e-urban Warrios avalelwe enethini ngutercious Malepe, utashreeg Morrisi notendai Ndoro obeqala ukudlubha ijezi le-ajax njengoba ebuya phesheya kwezilwandle.