"Kuvalwa uhlelo oludumile kwi-etv"
Kuthiwa isiteshi sisenkingeni yezimali
SEKUVELE ezithi luyavalwa uhlelo lukamabonakude lomculo olubukwa kakhulu ngabantu abasha olusakazwa yi-etv, olubizwa ngokuthi yiClub 808.
Imithombo YELANGA Langesonto ipotshozele leli phephandaba ukuthi izikhulu zalesi siteshi zithathe lesi sinqumo ngenxa yezizathu ezithile.
Lolu hlelo lusakazwa njalo ngolwesihlanu ntambama, lapho kusuke kumenywe khona abaculi kuphinde kudlale nezingoma ezintsha nezishisayo. Njengamanje lusakazwa ngulawrence Maleka nobontle Modiselle. Phambilini lukelasakazwa nguboity Thulo, uthando Thabethe, umo Flava, unonhle Thema nocyprian Ndlovu. Bonke laba balingisi bekushiya imibuzo ukushintshashintsha kwabo kulo.
Omunye umthombo ongaphakathi kulesi siteshi ukuqinisekisile lokhu wathi mhla zingama-26 kuNdasa (March) kuzobe kushuthwa isiqephu sokugcina salolu hlelo.
Lo mthombo uqhube wathi abaphathi besiteshi bahlela ukuvala isikhala salolu hlelo ngolunye lwaphesheya kwezilwandle.
Omunye umthombo wesithathu uveze ukuthi vele i-etv isenkingeni yezimali njengoba izinhlelo zakho- na zingenzi kahle nje. “Lona othi luvalwa ngenxa yezimali ngiyamkholwa ngoba u-etv vele izinhlelo zabo azenzi kahle okwenza ukuba kugqoze ukungena kwezimali,” kuqhuba lo mthombo.
Umatodzi Mashau okhulumela lesi siteshi wale waphetha ukuphawula ngalolu daba ngesikhathi ethintwa yintatheli.
Uthe wudaba olungaphezu kwakhe lolu.
“Le ayingangami, angivumelekile ukuphawula kuyona. Kungcono uthinte izikhulu eziphezulu, yizona ezingakwazi ukuphawula. Uma ngingaphawula mina ngingaxoshwa ngisho emsebenzini,” kuqhuba yena.
Imizamo yokuthola abaphathi iphunzile njengoba umatodzi ethembise ukuthumela iminini-