ISIKHUMBA ESIBUSHELELEZI SIYAKWENGEZA UKUZETHEMBA
KWABESIFAZANE ukuba nesikhumba esihle, esibushelelezi nesibukeka sinempilo kubalulekile.
Yingakho uyaye uthole ukuthi abesifazane baba nezinto eziyinqwaba abazigcobayo. Ukuba nesikhumba esithambise okwesengane kulula, sibheka amathiphu angakusiza ukwenza lokhu:
SEBENZISA I-TISSUE OIL
Iningi liye licabange ukuthi isiza kuma- stretch marks kuphela, kodwa-ke kakunjalo. Ukuyisebenzisa emzimbeni wonke kusukela emahlombe nasezingalweni, kwenza isikhumba sithambe futhi sicwebezele kahle.
UKUSEBENZISA I-BABY OIL
Hlanganisa i- baby oil nebody lotion. Lokhu kuzokwenza isikhumba sakho sibukeke sengathi ngesengane esencane. Faka ngisho emanzini okugeza ngeke uzisole.
I-COCONUT OIL
Ngeke uzisole ngokusebenzisa i- coconut oil. Khohlwa i- body lotion obuyisebenzisa, usebenzise i- coconut oil njalo ekupheleni kosuku uma ugeza noma kade ukwi- shower. Kwenze lokhu nsuku zonke.
I-BODY SCRUB YOKUZENZELA EKHAYA
Uzodinga ushukela o- brown, uhhafu wenkomishi yoju. Kuhlanganise ndawonye bese ukugcobisa emzimbeni wonke omanzi uqikelele ukuthi ubuso kabuchaphazeleki. Hlambulula bese wesula umzimba uma usuqedile.
SEBENZISA AMANZI
Kayikho into ehlula amanzi kwazise aqala akhuculule ingaphakathi bese kugqama ingaphandle.