VUKA UZITHINTITHE:
PASTOR, ngihlushwa ngumuntu ebese ngithandane naye iminyaka emithathu. Kuthe ngonyaka odlule ngolwezi (November) wangitshela ukuthi usekhulelisile, wathi kwenzeke iphutha, uyangithanda, ucela ngimxolele.
Yayibuhlunhgu inhliziyo yami kodwa ngoba bengimthanda, ngehlisa umoya, ngamxolela. Ngiyintombazane ezalelwe emakhaya, sisakholelwa kakhulu ezintweni zesintu. Kuthe ngozibandlela (December) wayilanda wayiyisa kubo intombazane, wayiqomisa ngeduku.
Wangifonela ngemuva kweviki kwenzeke lokho, wacela ngimxolele - yayopha inhliziyo yami, wubuhlungu. Ngamtshela ukuthi akaphume empilweni yami ngoba udlala ngami. Akayeki namanje ukufona, angisazi ngenzenjani ngaye. Ngicela ningibonise.
IMPENDULO: Dadewethu ingcono le nkinga yakho uma ngiyiqhathanisa nezinye izinkinga abantu ababhekene nazo emnyango. Ngiyacabanga ukuthi kulena yakho, kunezinto ezimbili okufuneka uzenze.
Okokuqala nje kufuneka uzibuze ukuthi yini oyidingayo kulo mlisa - usamdinga empilweni yakho noma awusamdingi yini. Uma ungasamdingi futhi ungasadingi nokuba akufonele, ungabika kwabomthetho, ucele incwadi ezomvimba ukuba angaxhumani nawe. Uma kuwukuthi uyadinga ukuqhubeka naye yilapho-ke sesingaxoxa khona ukuthi uxola kanjani uma umuntu ekugile kanjalo. Uma uzwa ukuthi awusamdingi kodwa ayidluli le nto, singaxoxa futhi sikubonise ukuze uphinde uphile kahle. Ungangishayela enombolweni engezansi noma ushiye umqhafazo. Uyangenyanya manje ingane ngiyazondlela, isineminyaka emibili. Ngicela ukubuza ukuthi ngenzenjani?
IMPENDULO: Dadewethu kulokhu kokuthi uyakwenyanya, ngebhadi ngeke simenze ukuba akuthande ngenkani, yiqiniso nje lelo okufanele silemukele.
Nokho-ke uma umuntu ekwenyanya lokho akuyona into esingakugulisa, ize ikuzacise, vele akubalulekile kangakho ukuba uthandwe ngabantu bonke - bakhona abakuthandayo kanti abanye ngeke vele bakuthande.
Okusemqoka nje wukuba uzithande wena uqobo lwakho. Mayelana nokuthi ingane akayondli, leyo-ke yindaba enkulu. Uma kungukuthi ingane ngeyakhe umthetho uyamphoqa ukuba ayondle ingane.
Ngaphandle-ke uma ecabanga ukuthi akusiyona eyakhe ingane, kungafanele niye kodokotela ingane ihlolwe ukuthi ngeyakhe ngempela yini. Uma kutholakala ukuthi ngeyakhe ngempela, kodwa futhi engavumi ukuyondla zikhona izinkantolo, ungafaka isimangalo, ayondle ngenkani. Angiyiboni into esingakukhathaza ngaleyo ndlela uze uphathwe yikhandla. PASTOR, ngihlala Kwamashu, nginezinkinga eziningi, sengibona ukuthi nginesinyama ngoba ngiyawathola amatoho kepha asheshe aphele. Xazulula Mfundisi.
IMPENDULO: Asiyikhiphe eyesinyama uzosuke ube naso ngempela uma ucabanga ukuthi yiso - phela siyimiphumela yemicabango yethu.
Kungenzeka ngesinye isikhathi ukuthi nomsebenzi ohlale uwuthola kusuke kungamatoho vele, lokho akuxhumene nesinyama. Ngiyaphinda futhi, ngicela eyesinyama uyibeke eceleni, wazi ukuthi unkulunkulu ngelinye ilanga uyokunika umsebenzi oyokwenza uwagwinye lawa mazwi.
Ngiyamesaba umuntu ozikhuluma kabi, ungcono okhulunywa kabi. Ungalokothi empilweni uzikhulume kabi. Nathi kunezimo ezasehlela empilweni ezingaphezu kwalezi zakho kodwa ngeke usizwe sithi sinesinyama.
Ngicela isinyama ungasilandi sidlula ngendlela ngoba mhla sehlela kuwena, ngeke usimele. Sonke empilweni sinezimo esibhekene nazo esingathi uma sikuxoxela zona, ukhexe umlomo. Zama ukufunda kancane ukuze mhla uthola umsebenzi kungabi yitoho kodwa kube wumsebenzi wangempela.
Kungakusiza nokuzithuthukisa ngamakhono omsebenzi angakwenza uthole umsebenzi ongakuthokozisa futhi kuhle nokuzwana nabantu abangakukhulisa ngokomqondo, bakusize nje nasempilweni.
Upastor Sthembiso Zondo ngumeluleki nomethuli wezinkulumo ezakhayo. Uphendula imibuzo yabafundi ngezinkinga KWILANGA Langesonto. Abafuna ukuxhumana naye inombolo ithi: 073 795 2292.