UKHOLELWA KAKHULU EMADLOZINI
PASTOR, ngineminyaka engama-30 ubudala. Ngingowesifazane, nginesoka esesithandane iminyaka emibili manje sinokungaboni ngasolinye uma kuziwa kwezenkolo.
Ukholelwa kakhulu emadlozini, ngisho ethola imali uthenga imithi yesintu manje mina kwelami isayidi ngikholelwa kunkulunkulu, umdali wezulu nomhlaba. Sengize ngiphelelwa wukumhlonipha njengendoda.
IMPENDULO: Noma dadewethu kubuhlungu kodwa asikubongele ukuthi le nkinga onayo nesoka lakho ikwehlela nje awukashadi. Abaningi engivamise ukubeluleka kuyaye kube nzima ngoba kusuke sekushadiwe.
Wena-ke unenhlanhla ngoba ibhola lisesetafuleni kuwe. Unkulunkulu noma imvelo ikubonisile ukuthi lo mlisa unjani. Sekukuwe ukuthi uyaqhubeka yini nomuntu onjena noma awuqhubeki naye.
Uma kungakashadwa usuke usenemvume yokuthatha noma yisiphi isinqumo ngomuntu. Ungazikhethela ukuthi uyafuna ukuqhubeka naye noma awusafu- ni. Ngeke sakubalekela ukwehluka kwenkolo, ngesinye isikhathi okudala uqhekeko ebudlelwaneni. Ukuba bese nishadile bengiyothi bikelani abantu abadala, nilande nomfundisi owanishadisa, manje ngoba akukashadwa akukenzeki lutho, indaba ilele kuwe, nguwena okufanele athathe isinqumo. nixhumane nabantu abadala uma izinto sezingaphezu kwamandla enu. Ngeke wasithatha isinqumo uwedwa. Ngiyacabanga ukuthi unabo abakini abadala enginesiqiniseko sokuthi bayakuthanda futhi bayazwelana nawe.
Uyakwazi ukubabekela udaba hhayi ngokulwa, ubabekele kahle bese kubizwa umhlangano wemindeni. Ngesinye isikhathi ningafaka nomfundisi wenu owanishadisayo. Ngesinye isikhathi ukukholwa kuyasiza ngoba umfundisi wenu ebandleni angaphenduka umeluleki nomxazululi wezinkinga ezinzima emshadweni.
Empeleni nje ukuthi unegciwane akuyona into esingakwenza ube nengcindezi, sekuyaphileka manje naleli gciwane ngoba imishanguzo iyatholakala. Ayikho into engalungi uma izohlalelwa phansi ixoxwe. Akuzona zonke izimo esiziqondayo nesixoxa ngazo eziyolunga kodwa azikho izimo eziyolunga uma singaxoxi ngazo siziqonde ngqo. ngalilahla ithemba. Ngenzenjani nceku?
IMPENDULO: Ngiyazwelana kakhulu nawe. Ngiyacabanga ukuthi abantu besifazane abaningi bangafakaza ukuthi enye yezinkinga ezibuhlungu kakhulu nezidala ukuba umuntu wesifazane azenyeze yilena obhekene nayo yokungabatholi abantwana.
Ngesinye isikhathi singazama konke kodwa kugcine kungalunganga. Siyazi sonke ukuthi ingane iyisibusiso esivela kunkulunkulu. Akusiwena wedwa obhekene naleso simo. Kukhona abake babhekana naso abesebelahle ithemba kodwa abayokutshela ukuthi kuze kwalunga sebebadala.
Ngisho nasebhayibhelini kukhona abathola abantwana sebelahle ithemba. Ingane singayifanisa nemvula yona evela kuMdali - uma engafuni ukuyinisa, ngeke ine, ize ifike ngesikhathi sakhe. Ingane idinga ukulinda nokubekezela noma kunzima.