UTHANDO OLUNGAJWAYELEKILE KWABENGQEPHU
PHANTOM THREAD UMQONDISI: Paul Thomas Anderson
ABADLALI ABAPHAMBILI: Daniel Day-lewis (Reynolds Woodcock), Lesley Manville (Cyril Woodcock), Vicky Krieps (Alma Elson) UHLOBO: Romantic Drama UMHLAZIYI: Zowakha Mbatha
KUNZIMA ukuthanda into kuze kweqe. Lokhu kugqama kule filimu engomsiki wengqephu yabesifazane esezingeni eliphezulu, ureynolds, okhonze umsebenzi wakhe ukwedlula yonke into ekhona emhlabeni.
Umuntu asondelene naye ngudadewabo, ulesley, ahlala naye esithabathabeni somuzi. Langa limbe emuva kokugculiseka ngengubo ayenzile, uhambela indawo yokudlela nokuyilapho ethathwa yintokazi enguweta, u-alma.
Uthando lwabo luze luvuthwe kangangokuba baze bahlale ndawonye.
Intokazi le iqala ikuthokozele ukusetshenziswa njengomkhangisi nomuntu okulinganiswa kuye izimpahla uma zisasikwa. Ngokuhamba kwesikhathi uyabona ukuthi kayikho le nto yabo njengoba le ndoda ingamniki sikhathi, imkhaca, kungekho nje okukhombisa ukuthi bayathandana.
Ugcina eyidlisa etiyeni ukuze ibe buthaka ngoba nguyena phela ozoyinakekela njengento- mbi yakhe ukuze ilulame.
Ekusindeni kwayo, luyavuseleleka uthando ize imshade ngoba ichazwe wukuzinikela kwakhe ngesikhathi igula. Emuva kwesikhashana ubuyela ezenzweni zakhe zakudala.
U-alma uphinde ahlele ukum- dlisa esebenzisa amakhowa anobuthi ukuze kwenzeke obekwenzeke phambilini.
Kulokhu ureynolds uyambona ukuthi uphezu kwamaqhinga okumdlisa nge- omelette ayifake la makhowa kodwa uyawadla ngamabomu, bevumelana ngalesi senzo. Wuthando olungajwayelekile olubonakala kule filimu ezongena mhlaka 9 March e- cinema.
zowakha@ilanganews.co.za
ISAQENGQELEZA phambili IBLACK PANTHER njengoba ibihleli esicongweni ngempelasonto edlule (16-18 February) ngokubukwa emafilimini ayishumi ahambe phambili ngokombiko wamasonto onke wabakwaster Kinekor Entertainment. IJUMANJI: WELCOME TO THE JUNGLE ibiqhwakele ngokufaka imali njengoba bese ifinyelele ku-r59 044 908.
Nalu uhlu oluphelele lwalawo ayishumi ahambe phambili:
1. BLACK PANTHER
2. FIFTY SHADES FREED 3. JUMANJI: WELCOME TO THE JUNGLE
4. TAD, THE LOST EXPLORER AND THE SECRET OF KING MIDAS
5. MAZE RUNNER: THE DEATH CURE
6. RAAISELKIND
7. DEN OF THIEVES 8. GREATEST SHOWMAN 9. ALL THE MONEY IN THE WORLD
10. 12 STRONG