NGAPHANDLE KWENKUNDLA:
USEPHILA ngokusebenzisa i-uber umame Cheikh Niang ongumgadli weRoyal Eagles egijima kwinational First Division (NFD).
Lo mdlali odabuka epikine, edakar, esenegal, udayise izimoto zakhe ezimbili okungeyohlobo lwakwabmw nemini Cooper ngesikhathi ephindela phesheya kwezilwandle.
Uthi wenze lokhu ngoba engacabangi ukuthi usazobuya azodlala eningizimu Afrika. Ubeshiya kwistellenbosch FC ebuyela kwikongsvinger yasenorway ngonyaka odlule. Uthi kumanje usebenzisa i-uber uma edinga ukunyakaza. Uniang usedlalele amakilabhu amaningi selokhu eqale ukugijima esigabeni esikhokhelayo. Udlalele I-AS Suerive, I-ASC Diaraf, imoroka
Swallows,
I-IVFL
Wolfsburg, iviking FK, ikongsvinger, imamelodi Sundowns,
I-AEL Limassol, Ama
Zulu FC, istellenbosch njengoba esedlala kwiEagles manje.
Uthi kumphula umoya ukushabalala kweswa- llows ngoba uzuze lukhulu egijima kuyona. Lo mdlali ufunde eschool 3 kanti imfundo yamabanga aphakeme uyenze eminaret High School, esenegal.
Ingxoxo YELANGA Langesonto
( I/L) noniang ngempilo yakhe yaNgaphandle kwenkundla ihambe kanje:
I/L: Usugcagcelwe?
Niang: Yebo ngishadelwe nguMaren mhla zingama-31 kuzibandlela (December) ngowezi-2016. Lolu suku ngiyohlale ngilukhumbula njalo. Abantu bathi bejabulela ukuhlukanisa unyaka mina ngabe ngishadelwa. Unkosikazi wami ungumlungu. Sibusiswe ngamadodana amabili umatara no-alpha. Unkosikazi wami nezingane zami bahlala enorway.
I/L: Akukukhathazi nje ukuqhelelana kangaka nomndeni wakho?
Niang: Inkosikazi yami inezinyanga ezimbili ihambile ngoba isithole umsebenzi phesheya. Akukubi kakhulu ngoba ngikukhonzile ukuhamba.
Kimina ukuya e-europe kuyazifanela nje nokusuka ethekwini ngiye egoli. Ngiphila ngakho ukuhambela amazwe ehlukene. Izingane zami ngifuna zithole imfundo esezingeni eliphezulu.
I/L: Ungazichaza njengomuntu onjani kokwazela kude?
Niang: Ngiwumuntu okhululekile futhi ongeneka kalula. Ngiyikholwa lokuqina. Okunye okumqoka ngami wukuthi ngiyazimisela entweni engisuke ngifuna ukuphumelela kuyona. Ngiyawuhlonipha umsebenzi wami ngoba konke enginakho kungenxa yalo msebenzi wokukhaba ibhola.
I/L: Yikuphi ukudla okukushaya ngaphakathi?
Niang: Ngizifela ngesoupkenji okuwukudla kwasesenegal. Kumnandi kakhulu, kodwa lapha eningizimu Afrika ngithanda idombolo nesitshulu senyama. Ngiyakwazi ngisho ukulipheka idombolo. Ukudla ngiyakuthanda kanti nginendawo ethengisa ukudla kwasesenegal ebizwa ngesenegal Restaurant eseduze kwasejohannesburg Stadium, egoli.
I/L: Uhlele ukwenzani ngemuva kokushiya kunobhutshuzwayo?
Niang: Ngizogxila ekuqeqesheni abafana abasebancane. Sengifunde okuningi ngebhola engikholwa wukuthi kumele ngikudlulisele entsheni ukuze nayo iphumelele. Ngizogxila nasekukhuliseni amabhizinisi ami. Kumanje nginemizi emibili emidrand, egoli. Nginemizi emithathu esenegal kanti owodwa ukhethekile ngoba usendaweni egudle ulwandle. Nginebhizinisi letaxi Fire, egoli, futhi liqhuba kahle kakhulu.
I/L: Awukucabangi nje ukuthenga ezinye izimoto njengoba uzifake endalini ngonyaka odlule?
Niang: Angikasiboni isidingo semoto. Nginezimoto ezintathu ezisesenegal. Kuzona kukhona imercedes Benz, itouareg neporsche. Lezi zimoto nemizi ngikuthenge imali isagcwele amaphakethe. Angisenalutho manje ngidla imbuya ngothi hahahahahahaha!
I/L: Zingaki izilimi okwazi ukuzikhuluma?
Niang: Ngikwazi ukukhuluma isingisi, isifrench, isijalimane, ulwini lwasesweden, olwasenorway bese kuba yiwalof okuwulwini lwasesenegal. Isifrench bengiphoqelekile ukusifunda kwazise isenegal ibicindezelwe ngabantu basefrance.
I/L: Iyidolobha elinjani idakar?
Niang: Yindawo enhle kakhulu futhi inolwandle oluhle. Isenegal ngiyithanda ngoba kayinabo aban- tu abaningi. Cishe bayizi-12 million abantu basesenegal. Izwe lethu liyathuthuka futhi lenza kahle kwezomnotho.
I/L: Injani iningizimu Afrika uma uyiqhathanisa namazwe osuhlale kuwona?
Niang: Iyizwe elihle kakhulu elinabantu abakwaziyo ukuphatha izivakashi. Okungichaza ngeningizimu Afrika wukusebenza kwentando yeningi. Iyizwe elinomlando omude kakhulu. Iyikhaya lami lesibili ngemuva kwesenegal. Iningizimu Afrika icishe ifane namazwe asethuthukile emhlabeni.
I/L: Likhona ibandla okhonza kulona?
Niang: Ngikholelwa kakhulu kwinkolo yamasulumane. Ngithandaza u-allah. Njalo ngolwesihlanu ngiya esontweni.
I/L: Yini eyokuqala oyenzayo nxa uvuka ekuseni?
Niang: Ngiyathandaza ngibonge u-allah ngokungigcina ngibone usuku olulandelayo.
I/L: Yisiphi isilwane osikhonzile?
Niang: Ngithanda amakati, kanti unkosikazi wami uthanda izinja. Sanquma ukungazifuyi izilwane ngoba sithanda ezehlukene kakhulu.
I/L: Yiluphi uhlobo lomculo olukhonzile?
Niang: Ngilalela umculo ohluke- ne. Ngithanda opholile, owerap nowasefrance. Umculi engimthandayo NGUJAY-Z waseUnited States of America.
I/L: Ukhona ezinkundleni zokuxhumana?
Niang: Yebo ngikhona. Ngisebenzisa ifacebook, i-instagram, iwhatsapp nesnapchat. Kwifacebook nakwi-instagram ngiwumameniang. Abalandeli bebhola bamukelekile ukungilandela kulezi zinkundla.
I/L: Usebenzia uhlobo olunjani lukamakhalekhukhwini?
Niang: Ngiphatha i-iphone 7 Plus. Yenza konke engikudingayo.
I/L: Yimaphi amakilabhu okhule uzifela ngawo?
Niang: Bengichazwa yibhola lelille nemarseille okungamakilabhu asefrance. E-england ngikhule ngizifela ngechelsea. Kayikho ikilabhu ebengiyithanda lapha eningizimu Afrika. Ngizifela ngekilabhu engisuke ngidlala kuyona. Nokho-ke iswallows, isundowns nesupersport abaphumi enhliziyweni yami.
I/L: Awukucabangi ukujoyina ipolitiki esenegal nawe ulandele ugeorge Weah osengumengameli waseliberia?
Niang: Angiyicabangi ngisho ngilele ipolitiki. Ngeke ngizihlanganise nayo. Yinto engingenandaba nje nayo.