Ichiefs iletha owenedbank ethekwini
Kuzovula usuthu kuvale i-eagles Kwamashu
IKAIZER Chiefs isiphinde yakhisimusa abalandeli bayo bakwazulu-natal namaphethelo ngokubalethela umdla- lo omqoka wenedbank Cup ezowugijima nestellenbosch FC wesigaba sika- last 16.
Lo mdlalo uzokuba ngomgqibelo womhla zili-10 kundasa (March) emoses Mabhida Stadium, ethekwini.
Ichiefs iletha lo mdlalo nje, ibusise abalandeli bayo bakulesi sifundazwe ngemidlalo emibili yemikhumulajezi kule sizini.
Iqale yaletha owemtn8 ehlulwe kuwona yisupersport United ngo-1-0 wegoli likajeremy Brockie okwenze yaphuma kumaquarter final, yaphinda yawudlalela kule nkundla oweTelkom Knockout ishukana namazulu FC athelwa ngehlazo lika-3-0 esigabeni sikalast 16.
Kungena elamazulu FC nje, azogadulisana noBuntu Cape Town ngo- Lwesihlanu lomhla ziyisi-9 kuNdasa eking Zwelithini Stadium, emlazi.
Kubukeka kuzokuba yimpelasonto emnandi kubathandi bakanobhutshuzwayo bakulesi sifundazwe njengoba izovalwa yiroyal Eagles ishukana nemaritzburg United ngesonto mhla zili-11 eprincess Magogo Stadium, Kwamashu.
Izindaba zokuza komdlalo wechiefs zitshelwe ILANGA langeSonto ngututu Sikhosana oyinhloko yezokumakethwa kwanedbank.
Empeleni leli phephandaba belimthinta ukuzwa ngezinhlelo ngekeyona Team njengoba inhlolokhono yabadlali bakulesi sifundazwe izobanjelwa emlazi ngomgqibelo womhla wama-26 kunhlaba (May) eprincess Magogo Stadium hhayi emlazi njengoba bese kujwayelekile phambilini.
Uthi njengamanje banezicelo zabadlali eziyizi-1743 eziphuma Kwazulu-natal. Uthi empeleni ngosuku bahlola abadlali abangama-500. Uthi abadlali mabaqhubeke nokufaka ama- video abo bedlala ukwenza ukuthi kube lula ukuhlunga abazobizelwa Kwamashu.