Umsindo ngengoma kababes Wodumo
USEPHINDE wasolwa ngokweba umsebenzi welinye iciko ubabes Wodumo ( osesithombeni).
Lesi silomo sesiziqhathe nomculi utipcee, othi akazi ngempela umfunani ubabes.
Ingxabano yabo isukela ngemuva kwengoma ekhishwe nguBabes esihloko sithi Redemption, edlala kwi- movie yodumo iblack Panther, okuthiwa inezinhlamvu ezifanayo nezisengomeni yeqembu likatipcee, ichaos.
Utipcee uthi akusikho okokuqala kwenzeka into efana nalena njengoba esole ubabes ngokuthi wantshontsha ulayini engomeni ethi ‘Amatseketseke’.
“Yiyo nje le ngoma, ngisho noma ngubani uyazizwela. Nakumatsege Tsege kunolayini othi ‘Umbhede wami iskebhe, ukhala amatsege tsege, angeke ngisawugibela’ - lowo layini owethu kwichaos. Angisazi ngithini manje ngoba kuyacaca ukuthi uqonde mina ngqo, angimnakile mina kodwa yena uyangilandela. Uyazi ngivele nganyanya nje ngoba kucacele noma ngubani ukuthi yingoma yethu le,” echaza.
Ethintwa ubabes Wodumo ukhuze ibhadi, wathi kanti abantu bafunani kuyena. “Uyazi izinto zingi- hambela kahle, kumele engabe abantu bayancoma ukuthi ngiphakamisa ifulegi lasethekwini kodwa kunalokho bahudulela igama lami phansi,” kusho yena. Uthi le ngoma okukhulunywa ngayo, eyango-2016 futhi wayibhalisa KWASAMRO ngoba ebalekela zona izinkulumo ezinjengalezi. “Ngike ngawezwa lawa mahemuhemu, ngacabanga ukuthi wumdlalo, kodwa ngiyabona ukuthi indaba iyaqhubeka. Abantu abafuni nje ukuzwa into enhle, bafuna udumo ngami. "Mina angibhorekile ngendlela yokuthi ngingaze ngintshontshe ama- gimmick abantu,” kuphetha yena.