I-DA nomkhankaso wokuphikisana NEVAT
Ithi lokhu kuzoshaya abampofu
AKWAZIWA noma uzothela izithelo yini umkhankaso we-democratic Alliance
(DA) ewethule izolo epretoria, wokuphikisana nesinqumo sikahulumeni sokwenyusa intela ekhokhwa ngabathengi ebizwa ngokuthi yi- value added tax (VAT).
Lesi sinqumo sivele enkulumweni kangqongqoshe weziMali kuzwelonke, umnu Malusi Gigaba ngesikhathi ethula inkuluko yesabelo mali kuzwelonke ngolwesithathu.
Umholi weda kuzwelonke, umnu Mmusi Maiamane uthi bazokulwela ukuba sichi-thwe lesi sinqumo sokwenyusa kwe
VAT ifike ku-15% kusukela mhla lulunye kumbasa (April).
Nakuba I-VAT isihlale ku-14% iminyaka engama-25 kodwa abaphikisana nalesi sinqumo bakhala ngokuthi sizodala ukwenyuka kwezinga lenhlupheko kubathengi ikakhulu- kazi abantulayo.
Umnu Maimane uthi abantu baseningizimu Afrika kufanele bagqugquzele amalungu ephalamende ukuba avote baphikisane nalokhu kwenyuswa kwe-vat.
Uthi ukwenyuswa kwayo kuzoholela ekwenyukeni kwentengo yokudla neyokugibela izithuthi zomphakathi.
Umnu Thulani Tshefuta, ongumdidiyeli womphakathi (overall convenor - civil society) kwi-national Economic Development and Labour Council (Nedlac), ekhuluma KWISABC izolo ekuseni uthi indlela lesi sabelo mali esihlanganiswe ngayo asihambisani neze nabantu abahluphekayo.
Uthi babona ukuthi sihlomulisa labo abavele becebile. Uthi kukhona ezinye izindlela ebezingasetshenziswa ukuqoqa imali, hhayi ngokuba kwenyuswe I-VAT.
Uqhube wathi bekungenyuswa nje noma intela kubantu abahola kakhulu njengoba kuke kwenzeka phambilini.