UNGQONGQOSHE UXWAYISA NGAMASONTO MBUMBULU
UMNU Fikile Mbalula, onguNgqongqoshe wezamaphoyisa kuzwelonke, uncome umsebenzi owenziwe ngamaphoyisa abambe abasolwa ngokuhlasela babulale amaphoyisa esiteshini samaphoyisa engcobo, e-eastern Cape.
Uxwayise umphakathi ukuba ubhasobhe amabandla mbumbulu, wathi kunabantu abasebenzisa amabandla ukugila imikhuba.
“Ubani obazi ukuthi amaphoyisa abulawe ngabantu abahlala lapha eduze kwenu, abahlala phakathi kwenu, abathi bayakhonza, bahamba isonto?
"Akukho sonto laphaya kukhona ubusathane, kukwasathane! Labaya bantu kabathandazeli lutho kodwa benza abantu imikhovu,” kusho yena.
Uphinde wanxenxa umphakathi ukuba uvule amehlo ngokwenzeka emphakathini.
“Uma umakhelwane enendlu ehlezi ivaliwe kufuneka uyibheke le yokuthi kukhona okuqhubekayo, mhlawumbe kuthengiswa insangu noma umzimba - kumele ukubike lokho emaphoyiseni,” kusho yena.
Ukhomishana wamaphoyisa, ugeneral Sitole, uthe ujabule kakhulu ngendlela okusetshe- nzwe ngayo leli cala nokuzinikela kwamathimba ajutshiwe.
Uqhube wathi umphumela wophenyo uzoletha induduzo nokho engatheni emndenini, ezihlotsheni nakozakwabo bamaphoyisa abulewe, okunguWarrant Officer ababili usibongiseni Sandlana nozuko Mbini, kanye noconstable abathathu, ukuhle Mathetha, Nkosiphendulo Pongco nozuko Ntsheku,” kusho ugeneral Sithole. Uthe siyamangaza futhi siyaphoxa isenzo sokubulawa kwamaphoyisa.
Ubonge nokwesekwa yizinhlaka ezahlukene emphakathini.