SEBASTIAN JILI
NGABE WUSUKU LWAKHO LOKUZALWA NAMUHLA?
UMQONDO wakho ujulile futhi kumele ukhiqize izinto ezizosiza abantu abahlukene. Abanye abasondelene nawe babuye badideke indlela owenza ngayo izinto. Okunye okuthungathayo okusemqoka, uzothola ukuthi nakho kuthungatha wena.
ARIES
UNOKUPHAWULA emaphutheni enziwa ngabanye. Intukuthelo kumele uyigweme ukuze ungangeni ehlazweni. Lesi yisikhathi sokuba ulungise kahle impilo yakho. Imikhuba yakho ungayigqiba ngezenzo ezinhle.
TAURUS (April 20-May 20)
IQINISO yilona elizokusiza likukhulule. Kukhona aba-khombisa ukuhambisana nawe kokunye. Uzozibona unesibindi ngalesi sikhathi uma kumele ubhekane nezinselelo ezahlukene. Uzokugwema ukugxila ezintweni ezingacacile.
GEMINI (May 21-June 21)
UMQONDO wakho uphiwe ekucabangeni izinto abanye abangazicabangi - lokho kungakudobela inhlanhla enkulu. Intukuthelo akumele ikucabangise ukwenza izinto ezingenamqondo. Unothando kumaqondana wakho.
CANCER
UYABONA ukuthi unokuphazamiseka okukhulu. Ungalulindeli kakhulu usizo oludlulele kwabanye kodwa zama ukuzibheka wena. Unamakhono amaningi ahlukene. Iqophelo lakho lokucabanga lizothuthuka ngesivinini.
LEO (March 21-April 19) (July 23-August 22)
NGUWENA okumele uzikhulule kwingcindezi obhekene nayo. Izenzo ezinhle zingaba nembuyiselo enhle kakhulu. Usemgudwini wokucabangela ikusasa ngendlela ehlelekile. Ukuveza amasu aphusile okumelana nezingqinamba othandweni kusemqoka kakhulu.
VIRGO (June 21-July 22) (Aug 23-Sept 22)
KUKHONA abanye ongeke ukwazi ukubafihlela okuthile. Zifundise ukubheka phambili ukhohlwe ngamaphutha odlule kuwona. Ungumuntu okuthanda kakhulu ukuzithuthukisa. Kunezinqumo eziphusile ongase ube nazo.
LIBRA (Sept 23-Oct 22)
UNEZIDINGO eziningi kakhulu. Kuzokusiza ukuhlaziya impilo yakho nokubuka lapho uvela khona. Ilaka lakho ngempilo nezimo ozizwayo liwuphawu lomqondo ophapheme futhi othanda ukucubungula.
SCORPIO (Oct 23-Nov 21)
IQOPHELO lokuhlela kwakho lisezingeni elincomekayo. Nguwe ongazakhela ukunqoba ngokunamathela ezinhlelweni zokuzithuthukisa ubuke ngqo ezinhlosweni zakho. Amanye amaphutha enziwa ngabanye akumele uzihluphe.
SAGITTARIUS (Nov 22-Dec 21)
OKUMELE ukugweme yimpakamo kwabanye. Ukukhombisa kwakho intshisekelo kunoma yini ehlelwayo kukulethela isithunzi. Uzozinaka kakhulu izindaba zakho ezimayelana nezothando. Uyazimisela uma ufuna ukuphila impilo ozikhethele yona.
CAPRICORN (Dec 22-Jan 19)
IZINSELELO ongabhekana nazo zingakushiya nesifundo. Impendulo oyifuna kude ezintweni ezikuthintayo iseduze kakhulu. Uma ubona ukuthi kukhona onakho nawe uzokwenza umehluko lapho ukhona. Uyakudinga nawe ukusimama ngokugcwele ebuhlakanini bakho.
AQUARIUS (Jan 20-Feb 18)
KUNESIMO esikuthintayo esingakugculisi. Bheka amathuba angakugcina wenza okuzokuthuthukisa. Uma ubona ukuthi kukhona onakho, ungakusebenzisa kakhulu ukuthola ongenakho. Unawo umqondo wokwenza izinto zenzeke ngoba ubuholi onabo bukwenza ucindezele ngamandla.
PISCES (Feb 19-March 20)
INDLELA owenza ngayo izinto yiyona engasondeza abanye eduze kwakho futhi iyona engabaxosha. Lungisa izindaba zakho ezithinta uthando zigculise nomaqondana wakho. Ungalenzi iphutha lokubukela phansi ezinye izinhlelo zakho