Ulvovo akacabangi ukushiya emabala
Uthi i-albhamu entsha isendleleni
ASIYIGQIZI qakala imibiko engemihle ngenkampani esisayine ngaphansi kwayo, imabala Noise Entertainment, isihlabani somculo we- kwaito, ulvovo Derrango ( osesithombeni), ogama lakhe langempela nguthokozani Ndlovu.
U-derrango, ongomunye wabaculi bekwaito, abahamba phambili kuleli, uthi noma kungabikwani ngemabala Noise kodwa yena usajabule kule nkampani, kwazise nezinhlelo zokuphuma kwealbhamu yakhe zisemome.
“Ngikhuluma nawe nje ingoma yami engiyenze nobusiswa, edidiyelwe nguMaphorisa, iyaphuma ngesonto elizayo kanti ne-albhamu ngeke ushaye unhlaba ( May) ingaphumanga. Ngakho imibiko ngokuba mapeketwane kwenkampani angizixaki ngayo ngoba konke ebesikuhlelile kuyaqhubeka,” kusho ulvovo.
Kuzokhumbuleka ukuthi sekubikwe kaningi ngokuba mapeketwane kwezinto emabala, okubalwa ukushiya kwamaciko abesayine ngaphansi kwale nkampani, yizikhulu zayo nokuvalwa kwamahhovisi ayo abesefourways.
Nakuba kunjalo kodwa lo mculi uthi yena akakaboni lutho olungamenza ayishiye le nkampani ngoba konke abebevumelene ngakho kusahamba ngohlelo.
“Anginanxa nalabo asebeshiyile ngoba basebenzisa ilungelo labo - nami uma sengibona kukhona okungasahambi ngohlelo, ngizothatha isinqumo esifanele kodwa okwamanje ngisajabule ngoba ngiyaxhumana nehhovisi okuyilona elingicacisela ngokusobala ngokwenzekayo.
“Ngeke ngihanjiswe yimibiko yabezindaba ngoba angisayinile nabo kodwa ngisayine nemabala,” kusho uderrango engeza ngokuthi abantu mabalindele ulozolo lwe-albhamu njengoba esebenze nabadidiyeli abasezingeni okubalwa kubo umaphorisa nogoodman.
Uthi kwezinye zezingoma upike ilungu lebig NUZ asondelene nalo kakhulu, udanger, ubeezory ababesayine naye kwimayonie Productions kazakes Bantwini eminyakeni embalwa eyedlule, ubusiswa nabanye.
Uderrango useke wahlabana ngenqwaba yezindondo zemetro FM Awards kanti useke waqokwa kaningana kumasouth African Music Awards.