Useyisilomo ngakubo umshunqisi
USEPHENDUKE usaziwayo ngakubo umculi wegqom’ ofike ngezinkani, udladla Mshunqisi.
Lesi silomo, esivutha singabaseliwe, sitshele leli phephandaba ukuthi besingalindele ukuthi abantu bangakubo, Kwamashu, sebengasithatha njengosaziwayo ngoba sikhule phambi kwabo.
Ngemuva kokuphuma kwengoma yakhe esihloko sithi: “Pakishani” ngesonto eledlule, uthi kwenzeke izimanga efika kwenye indawo ngakubo, abantu bamjabulela ngendlela eyinqaba.
“Ngethukile ngempela ngesikhathi ngifika e- car wash ngasekhaya, ngibona abantu engibajwayele befuna ukushu-tha nami,” kusho umshunqisi.
Uthi akagcinanga lapho kodwa udlulele e-artizen, khona
Kwamashu, nakhona kwaba ngesifanayo, abantu bathi mbo kuyena kwaze kwalekelela onogada.
Ngesikhathi ekhuluma nentatheli ubeze ashaye itemu lakhe ethi “Ingami le nto”. Uthi abalandeli bakhe sebemfakela ingcindezi, bathi makakhiphe i- album egcwele.
“Ngeke ngiphike negcindezi engiyifakelwa ngabantu, kumele bakuqonde ukuthi ingami le nto kulo nyaka ngakho-ke asikho isidingo sokujaha ngoba angiyi ndawo,” kuchaza umshunqisi.
Uthi awukho umcimbi asawuhlelile njengamanje ozoba ngakubo ngenhloso yokuzethula kubantu bendawo. Nosenzo Shezi, ongesinye sezikhulu e-afrotainment, okuyinkampani akhiphe ngaphansi kwayo umshunqisi, uthi akukabi bikho mcimbi inkampani ewuhlelile kodwa basazohlanganisa amakhanda nodj Tira, ongumphathi wenkampani.
“Ingoma kadladla iphakame singalindele sonke ngakho-ke sisazohlala phansi nomphathi UDJ Tira sibone ukuthi siyethula kanjani le ngoma ngakubo umshunqisi,” kuchaza usenzo. Ngaphandle kwale ngoma zikhona ezinye izingoma ezinomshunqisi okubalwa kuzo nekatipcee ethi “Batshele”.