NGAPHANDLE KWENKUNDLA:
KUNZIMA ukukhohlwa yisigameko sengozi yemoto edlule nomphefumulo wenkosikazi yakhe u-andile Mbenyane odlala kwichippa United.
Umbenyane uvelelwe yingozi yemoto ngonyaka wezi-2015 kwashona unombulelo obeyinkosikazi yakhe kwathi yena walimala kanzima.
Kumanje uthi usahlabe ikhefu kwezothando ngoba usazinika isikhathi sokuzilela inkosikazi yakhe.
Lo mdlali ukhulele epaarl eduze kwasecape Town. Nokho abazali bakhe badabuka elady Frere, ngaphansi kwechris Hani District Municipality, e-eastern Cape.
Uyise ngulizwe kanti unina ngunosakhele. Lo mdlali ubegijima kwimbekweni Cosmos obekuyikilabhu encane yechippa United.
Ngaphambi kwayo ubedlalela ikilabhu yakubo ebibizwa ngeMountain Stars.
Udlale esikwatini se-ajax Cape Town sika-u/19 kanti ubeyingxenye ye-ajax ebhudluze ibloemfontein Celtic ngo-6-0 kowamanqamu weMetropolitan Premier Cup eminyakeni embalwa edlule.
Umbenyane ubeyingxenye yesikwati sedesmond Tutu High School esifinyelele kowamanqamu wekay Motsepe Cup ebididiyelwa yisouth African Schools Football Association (Sasfa) ngowezi-2006, enza u-grade
12.
Ubengukaputeni walesi sikole. Ngaphambi kokuyofunda edesmond Tutu, ubesemboniselo Primary School.
Umbenyane uzalwa nezinsizwa okubalwa kuzona u-ayanda, uvuyani nosiphosethu nodadewabo omdala unomvulazana.
Unengane eyodwa. Igama layo nguleama. Uthi uvuyani wethiwe leli gama ngemuva kokuba uyise ethathwe yikhono likavuyani “The Beast” Bungu obeshaya isibhakela esinenkosi phakathi epholishwa ngumzimase Mnguni we-eyethu Boxing Gym yasemdantsane.
Ingxoxo kambenyane NELANGA Langesonto ( IL) ngempilo yakhe yangaphandle kwenkundla ihambe kanje:
IL: Yisiphi isigameko ongasoze wasikhohlwa okungaba ngesihle noma ngesibi?
Mbenyane:
Ukuvelelwa yingozi yemoto ngonyaka wezi-2015 edlule nomphefumulo wenkosikazi yami.
Asidluli lesi sigameko emqondweni wami kwazise be- ngimthanda kakhulu. Yize kubuhlungu lokhu, ngeke ngiwukhohlwe umdlalo wami wokuqala kwi-absa Premiership. Bengidlalela i-ajax Cape Town sibhekene nekaizer Chiefs.
IL: Iyiphi ikilabhu okhule uzifela ngayo kuleli naphesheya kwezilwandle? IL: IL: Mbenyane: Mbenyane: