PHILANI NCALANE
kahle ikhaya elady Frere ngaphinde ngalungisa umuzi wasekhaya epaarl. Umndeni wami uyikho konke kimina futhi ngiwubonga kakhulu ngokungeseka ngishonelwe yinkosikazi.
IL: Uhlele ukwenzani ngemuva kokubeka amakhokho ethala?
Mbenyane: Ngizogxila emabhizinisini ehlukene. Kumanje ngihweba ngezimpahla zokugqoka.
Ngihlela ukuvula izitolo ezinxanxatheleni zezitolo ezahlukene.
IL: Ushwibeka ngaluphi uhlobo lwemoto?
Mbenyane: Ngisebenzisa igolf R. Ngithenge yona ngoba ingifikisa ngokushesha ecape Town nxa ngisuka ebhayi.
IL: Ukhona ezinkundleni zokuxhumana?
Mbenyane: Yebo ngikhona kwiInstagram, iwhatsapp nakwifacebook, kanti ngisebenzisa i-iphone?
IL: Lukhona uhlobo lokudla olukushaya ngaphakathi?
Mbenyane:
Ngithanda isitambu nosu. Inkinga wukuthi angikwazi ukupheka okwenza ngiphephele kwi- pasta.
IL: Ngabe wenza muphi umsebenzi ukuba kawuyena umdlali webhola?
Mbenyane: Angingabazi ukuthi ngabe ngingumdlali ovelele wemidlalo ewuchunge- chunge kum- abonakude ngoba bengimuhle kwispeech and Drama esikoleni. Omunye umkhakha ebengiwuthanda ngowobumeli.
IL: Usakhuluma ngemidlalo ewuchungechunge, ukhona ongakuphuthi?
Mbenyane:
Ngiyazifela ngemidlalo eboniswa
kumzansi Magic. Ngithanda kakhulu i-the Queen kanti umlingisi ongichazayo ngubrutus (olingiswa nguThemba Ndaba).
IL: Uyakholelwa ekusebenziseni umuthi?
Mbenyane: Angiwusebenzisi nhlobo umuthi.
Lapha ekilabhini utshelwa usafika nje ukuthi kayingenwa indaba yomuthi.
Sonke lapha ekilabhini sikhonza e-universal Church okuyisonto okukhonza kulona usiviwe Mpengesi ongusihlalo wekilabhu.
IL: Likhona izwe osuke wavakashela kulona?
Mbenyane: Ngike ngavakashela enetherlands nasefrance ngisadlala kwi-ajax. Ngichazeke kakhulu ngendlela okuphilwa ngayo kulawa mazwe.
IL: Sikhona isilwane osikhonzile?
Mbenyane: Ngithanda izinja, kanti nasekhaya zifuyiwe ezimbili.
IL: Yini ekuchaza ngecape Town?
Mbenyane: Ngithanda ukuya ecamps Bay kusihlwa. Uma usentabeni yakhona ububona kahle ubuhle becape Town. Indawo yangakithi yinhle kakhulu futhi ithandwa kakhulu yizivakashi. IL: Sikhona isiqholo esikhethekile osisebenzisayo?
Mbenyane: Ngisebenzisa itomshot nedior. Lezi ziqholo zingenza ngizizwe ngizelwe kabusha.