ESKHALENI:
ILAHLISA ngethemba inkulumo kastuart Baxter ongumqeqeshi webafana Bafana osecula elinye ihubo ngabadlali okufanele kusetshenzwe ngabo kulesi sikwati.
Ubaxter unezinyanga ezili-10 ethathe umsebenzi wokulolonga lesi sikwati. Ufike walanda abadlali obese kuneminyaka eminingi begcine ukubizelwa kwibafana futhi asebehanjelwe yiminyaka yobudala.
Ubadidiyele nabasebancane ezeseka ngokuthi ufuna ukunqoba imidlalo ngabanesipiliyoni nokuqinisa ukhakhayi kwabasebancane.
Lokhu akumsizanga ngalutho njengoba siphenduke inhlekisa ngokungalubhadi emidlalweni yendebe yomhlaba ezokuba nonyaka erussia.
Kubuhlungu ukuthi ibafana kayiyi erussia nje, ihlulwe nayicape Verde Island emilenzeni emibili kweyokuhlungela lo mqhudelwano. Ubaxter ubukeka njengendoda esiqala ukubeka izaba njengoba phakathi nesonto edalule ukuthi usezoqinisa kubadlali abasebancane ngeminyaka yobudala.
Uthi uzogadla ngabo kwifour Nations Tournament ezokuba sezambia ngasekupheleni kwale nyanga.
Ubaxter ubabizile abadlali abasebancane kwicosafa ezeseka ngokuthi ufuna bathole isipiliyoni.
Uxolelwe ngokungawunqobi lo mqhudelwano ngoba ubedlalisa iningi labadlali ebelibambe iqhaza kwindebe yomhlaba yabaneminyaka yobudala engaphansi kwengama-20.
Manje inkulumo yakhe yakamuva izwakala kungeyomuntu ozama ukucela ukuxolelwa engakalenzi iphutha lokuhlulwa wukufaka ibafana kwi-africa Cup of Nations (Afcon) ezokuba ngonyaka ozayo ecameroon.
Angicabangi ukuthi ukhona umlandeli webhola kuleli ongasamukela isizathu sikabaxter sokuthi ibafana kayiyi ecameroon ngo- ba ubedlalisa abafana abancane kweyokuhlunga.
Ngisakholelwa ekutheni kumele banikwe ithuba abadlali abasebancane kwibafana yinqobo nje uma benza kahle emakilabhini abo hhayi ngoba kuthiwa bazokhuliswa.
Isouth African Football Association (Safa) yiyona ebhekele ukuthuthukiswa kwabadlali kuleli.
Ngakho-ke yile nhlangano okufanele iqikelele ukusingathwa kahle kwamaligi amalocal Football Association, imidlalo YESAB League ezifundeni, eyemotsepe League neyamaqembu esizwe amancane.
Umdlali obizelwa kwibafana kudingeka kube ngumuntu ozosebenzela ukunqobisa iqembu hhayi ozokhuliswa.
Nokho-ke isafa ihluleka ingcaca ukwenza umsebenzi wokufukula ibhola njengoba ihlale imatasa nemibango yezikhundla. Kumanje ipremier Soccer League (PSL) esingethe unobhutshuzwayo