BESABISA NGOKUPHOXA U-MADISHA WE-SUNDOWNS
Ama-amesha asabisa ngokuphoxa isitobha sesundowns
OWODUMO eqenjini lesizwe lakuleli lika-u/23 elidume ngama-glug Glug usongela isitobha semamelodi Sundowns esithandwa ukufa ngupitso “Jingles” Mosimane oqeqesha le kilabhu. Idowns izogadulisana ne-ec Bees yase-eastern Cape edlala KWISAFA ABC Motsepe League wakhona kowelast 16 yenedbank Cup ngolwesibili ngo19h30 eloftus Versveld Stadium, epitoli.
Idowns kulindeleke izicoboshisele kule kilabhu kwazise iyaziwa ukuthi ayiwabheki ama-amesha. Kuzokhumbuleka ukuthi ike yanenebula ngo-24-0 ipowerlines FC kuwona lo mqhudelwano ebidlala kwisAB League eminyakeni embalwa edlule. Ubafana Dlamini (24) oke walibamba esiswini kwichippa United nakumaglug-glug usongela umodjeka Madisha, oyisitobha sedowns esithandwa kakhulu ngupitso. “Siyazi ukuthi isundowns ayiwabheki ama-amesha kodwa kulo mdlalo sizokwenza izimanga abantu ngeke bakholwe.
"Siyigade kabi, uma nje ike yabophela umadisha iyobe isiwelisile sizomsoconga into eyisimanga.
"Ngikusho lokhu ngoba kunamajita esinawo lana amaziyo adlalile naye.
"Asesitshele konke ngaye sesiyamazi lapho ebuthaka khona. Uzoyidela inkani upitso uma eke wamdlalisa,” kusho udlamini. Uqhube ngokuthi kuzofanele baseben ze ngokwengeziwe uma befuna ukuhlula idowns.
“Ebholeni kwenzeka noma yini ngoba kusuke kubhekene amakilabhu abophele abadlali abali-11.
"Khona kuzoba ngumqansa ukuhlula isundowns ngoba inabadlali abaseqophelweni eliphezulu kodwa okuhle wukuthi yona ayisazi kanti thina siyayazi.
"Uma nje singabanga novalo nokuthi sidlalele ukusayiniswa ngamakilabhu amakhulu sizonqoba.
Inkinga esisabhekene nayo njengamanje wukuthi ekhempini wonke umuntu ukhuluma eyokuzibonakalisa ngalo mdlalo kanti iyingozi leyo nto.
"Kuzofanele sibambisane nje okunye kuzozenzakalela,” kusho udlamini.
Imidlalo yenedbank Cup kwi-last 16 imi kanje:
NAMUHLA NGESONTO
Eprincess Magogo Stadium: Royal Eagles vs Maritzburg United 15h30.
EDR Molemela Stadium: Bloemfontein Celtic vs Richards Bay 15h30.