KUPHELILE NGEJACK DANIELS BOOMTOWN YODUMO KWI-VDJ

SELIQANJWE kabusha itende elikhulukazi nelihanjelwa yizinkulungwane zonontandakubukwa minyaka yonke kwivodacom Durban July (VDJ), ebelaziwa ngokuthi yijack Daniels Boomtown.

Sekuyiminyakanyaka leli tende ligcwala phama njengoba liba nezitezi neziteji ezahlukene, liphinde liqinisekise nokuthi abahambela lo mcimbi, babheja kalula kulona.

Yinto eyaziwayo ukuthi iningi elihambela lo mcimbi lisuke lingawubuki nakuwubuka umjaho wamahhashi, kodwa lisuke lizitika ngezidlo neziphuzo, lithokozela ubumnandi. Imfashini futhi yiyona ehamba phambili kwiningi lonontandakubukwa ababakhona kulo mjaho oba segreyville Racecourse ngomgqibelo wokuqala kuntulikazi (July).

Nonyaka uzoba mhla ziyisi-7 kanti ingqikithi yawo ithi “Sekuyisikhathi”. Ezakamuva zithi leli tende selishintshwe igama, kusukela kulo nyaka selizobizwa ngokuthi yi-amstel Boomtown nokusho ukuthi kushintshe abaxhasi.

Inkampani egqugquzela ukuhanjelwa kwaleli tende, i-the Alore Group yenqabile ukudedela imininingwane yokuholele ekushintsheni kwabaxhasi.

Ukim Sineke wale nkampani, uvumile ukuthi yilo leli tende lodumo ebelenganyelwe yijack Daniels eminyakeni eyedlule. Kuke kwanandisa nesihlabani saphesheya se- hip hop kuleli tende, UT.I.

“Sizokunika eminye imininingwane nangezinye izinto ezizokwenzeka nonyaka kulezi zinyanga ezizayo,” kusho yena kafushane. Ngale kwalokhu laba baphinde babe ngabaxhasi bemicimbi emikhulukazi kwezenjabulo, okuyipop Bottles, ejwayele ukwenzeka emuva nje kwawo amahhashi odumo nemajor League Gardens ebise-expo Centre, enasrec, egoli izolo.

Esitatimendeni umnu Khaya Dlanga, oyimarketing Manager kwa-amstel, uthi eminyakeni eyedlule umkhiqizo wabo ubonakale weseka umculo waseningizimu Afrika kanti ubudlelwano babo neboomtown buzolekelela ekutheni bakwenze kangcono lokho.

IVDJ iqalwe ngowe-1897 khona ethekwini ibizwa ngejuly Handicap njengoba namuhla isiwumcimbi omkhulukazi eningizimu Africa. Lo mjaho osuke ubhekwe ngabomvu ngamaphanta uthatha ngaphezudlwana nje kwemizuzu emibili bese kujuxu- zwa kuze kube sezinzulwini zobusuku njengoba sekuba nenqwaba yamatende okwenziwa kuwo iziphihli zamadili kamkhipheni.

Kwamanye abalwa kwahamba phambili, kalisali ngaphandle elempunyela yasethekwini, umabheleni Ntuli, nosekuyiminyaka likhona, ele-afrotainment kadj Tira kanti nelemabala Noise yodumo belihalelwa nguwonke wonke eminyakeni emibili edlule. zowakha@ilanganews.co.za

ISITHOMBE YI: TWITTER UCASSPER Nyovest ngomunye wabaculi abaqavile abake banandisa etendeni lodumo, iboomtown, kwivdj.

ISITHOMBE NGABE: ZKHIPHANI. COM ISIHLABANI saphesheya se- UT.I, sipholile olwandle ethekwini, saze sashutha nezichuse ngesikhathi sasizonandisa kuleli, etendeni lejack Daniels Boomtown.