SEZIQALILE IZINHLELO ZE-INK FESTIVAL
SEZIQALILE izinhlelo zokulungiselela ifestivali yamaciko yaminyaka yonke, i-ink Arts Festival, eyenzeka okwesikhombisa nonyaka. Le festivali ezoba maphakathi nenyanga yamagugu umandulo (September 21-24), isungulelwe ukuthuthukisa amaciko nokuwafundisa ngale mboni.
Okunye okubalulekile wukuthi ifestivali kakuyona eyamaciko angaphansi kwe-ink (Inanda, Ntuzuma, Kwamashu) kuphela kodwa naqhamuka kwezinye izingxenye zezwe, nangaphandle kwekwazuluNatal imbala.
Phakathi kwebalekelele ngokusho kukamlondi Ngcobo osebenza kuleli hhovisi, kubalwa uscelo Gowane ongumculi, Oliver Amisi osenebhizinisi lokuthwebula izithombe, unkanyiso Zulu owaziwa ngelikaferrero esteji noke waqokwa waba YI-INK Artist of The Year.
Izinhlelo zokugqugquzela ( activations) ukuba yingxenye yefestivali yalo nyaka ziqalile emahholo alama lokishi ekuqaleni kwale nyanga kanti zisazodlulela kwabester Hall mhlaka-24 kwephezulu, Kwamashu G Hall mhlaka-21 kwezokwethwasa umbasa (April), Kwamashu L Hall mhlaka-12 Nhlaba (May), kugoqwe mhlaka-26 Nhlaba entuzuma A Hall.
Okuzobe kwenzeka kulezi zigcawu wukubhaliswa kwamaciko azoba yingxenye yefestivali, kuphoswe abahleli bayo imibuzo, kube nezikhulumi zosuku ngokunjalo nabazona-ndisa.
Nonyaka kuhlelwe ukuba kube nabaculi abangama-50, abenza ezithinta ishashalazi abayi-6, abamafilimu, abezemfashini nezemidwebo.
Eminye imininingwane iyatholakala ku- www.inkartsfestival. co.za nasekhasini labo ku-facebook elithi INK Arts Festival noma ngo≈kuthumela i- email ku: mzimelalegacyfoundation@gmail.com.