SEKUKHISHWA UNYAWO KUBE NE-
INDLELA osekwenziwa ngayo manje uma kugujwa usuku oluyisipesheli ayisefani naleyo yangezikhathi zakudala njengoba manje sekumele ukhiphe unyawo uma wenza iphathi.
Lokhu kudala ingcindezi kubantu abaningi ngoba uma wenza iphathi, kawusenzi nje noma kanjani, kodwa kumele kucace ukuthi uthathe isikhathi uyihlela. Yingakho imicimbi eminingi yesimanje isihambisana nengqikithi ethile.
Phambilini amaphathi abesevamise ukwenziwa yilawo othola khona ukuthi kugqokwa izimpahla ezimhlophe kuphela, kusukela ekhanda kuyoshaya phansi, noma kube yi- jean nokumhlophe. Kuyacaca futhi manje ukuthi indlela abantu asebecabanga ngayo ngamaphathi seyishintshe kakhulu kunakuqala. Kuqala bekwaziwa ukuthi amaphathi yinto yezingane.
Uma umuntu esekhulile enze umcimbi wokubungaza into ethile bekuba yinto yangasese nje encanyana. Lokho sekushintshile manje njengoba iningi selikuthokozela ukuthi uma lenze iphathi kugqame futhi ibe sezingeni eliphezulu.
Uma uqaphela uzokhumbula ukuthi ngokujwayelekile bekuba yizingane ezenzelwa amaphathi anengqikithi - mhlawumbe uthole ukuthi kuzolandelwa ekamickey Mouse noma amaminions, ngokujwayelekile kuba wopopayi.
Ngokujwayelekile ngaphambi kokuba uye emcimbini, usuke uthole isimemo nokuba yiso esikutshelayo ukuthi kugqokwa kanjani mhlawumbe kuthiwe i- theme yakhona yi-hawaiian, James Bond Casino Royale, All White Party. Kungaba yi- birthday,